(म्हणे) ‘भविष्यातील भारतात हिंदु धर्म नसेल !’ – आयआयटी देहलीच्या प्राध्यापिका दिव्या द्विवेदी

आयआयटी देहलीच्या प्राध्यापिका दिव्या द्विवेदी यांचा हास्यास्पद शोध !

नवी देहली – एक भूतकाळातील भारत होता, ज्यामध्ये जातव्यवस्थेच्या आधारे मोठ्या प्रमाणात लोकांवर अत्याचार आणि दडपशाही करण्यात आली. एक भविष्यातील भारत असेल, ज्यामध्ये जातीव्यवस्थेच्या आधारे होणारा भेदभाव नसेल आणि हिंदु धर्मही नसेल, असे विधान ‘आयआयटी देहली’च्या प्राध्यापिका दिव्या द्विवेदी यांनी केल्याचा एक व्हिडिओ सामाजिक माध्यमांतून प्रसारित झाला आहे. त्यांनी ‘जी-२०’ परिषदेत फ्रान्सच्या एका वाहिनीला मुलाखत देतांना हे विधान केले होते. यापूर्वी दिव्या द्विवेदी यांनी ‘हिंदु धर्म खोटा धर्म असून, तो २० व्या शतकाच्या प्रारंभी बनवण्यात आला आहे’, असे म्हटले होते. (कोण खोटे आहे, हेच अशा विधानांतून लक्षात येते ! – संपादक)

1) Divya: There is India of future i.e. egalitarian India which would be without Hinduism

Journalist: I talked to Rickshaw driver, he’s using app for work & happy with India’s growth

Divya: But, what about hoax in form of Hindu religion?

Divya Dwivedi is Professor at IIT Delhi pic.twitter.com/UzhuyF3DlS

— Anshul Saxena (@AskAnshul) September 9, 2023

दिव्या द्विवेदी व्हिडिओत पुढे म्हणतात की, सध्या ‘आर्यन मानसिकता’ असणारा भारत जगासमोर मांडणे चालू आहे. त्यामुळेच ‘इंडिया’ ऐवजी ‘भारत’ नावावर भर दिला जात आहे. भविष्यातील ‘हिंदु-विरहित भारत’ अद्याप जगासमोर मांडला जात नाही. गेल्या ३०० वर्षांहून अधिक काळ जातीव्यवस्था भारताला आकार देत आहे. देशात १० टक्के सवर्ण आहेत; मात्र तेच देशातील ९० टक्के शक्तीशाली आणि लाभ यांच्या पदांवर विराजमान आहेत. हेच आजही चालू आहे.