पाकिस्तानकडून भारतीय सीमेवर अणूबाँब डागण्याच्या तोफा तैनात !

इस्लामाबाद (पाकिस्तान) – चीन पाकिस्तानला त्याच्या सीमाभागात खंदक (बंकर) बांधण्यासाठी साहाय्य करत आहे, तसेच चीनने पाकिस्तानला अण्वस्त्रे डागणार्‍या तोफाही दिल्या आहेत. पाकने या तोफा काश्मीरमधील सीमेवर तैनात केल्या आहेत. ‘एस्एच्-१५’ असे या तोफांचे नाव आहे. चीनच्या आस्थापनाने पाकला अशा २३६ तोफा देण्याचा करार केला आहे. यांतील काही तोफा पाकला मिळाल्या आहेत. या तोफांमधून एका मिनिटामध्ये ४ ते ६ तोफगोळे डागता येतात.