सनातन प्रभात > Post Type > बातम्या > आंतरराष्ट्रीय बातम्या > युक्रेनमध्ये युद्धातील आक्रमणात फोडण्यात आलेल्या धरणामुळे निर्माण झाली पूरस्थिती !

युक्रेनमध्ये युद्धातील आक्रमणात फोडण्यात आलेल्या धरणामुळे निर्माण झाली पूरस्थिती !

  • ३० हून अधिक गावे आणि शहरे येथे पूरस्थिती !

  • रशियाच्या सैन्याच्या विरोधात पुरलेले भूसुरूंगामुळे बचाव कार्यात अडथळा !
फोडण्यात आलेले युक्रेनमधील काखोव्का धरण

कीव (युक्रेन) – युक्रेन आणि रशिया यांच्यातील युद्धात युक्रेनमधील काखोव्का धरण फोडण्यात आल्याने येथे पूर आला आहे. खेरसन प्रांतातील ३० हून अधिक गावे आणि शहरे येथे पूर आला आहे. यांपैकी २० ठिकाणे युक्रेनच्या आणि १० रशियाच्या सैन्याच्या नियंत्रणात आहेत. २ सहस्र घरे पूर्णपणे पाण्यात बुडाली आहेत. या पुरामुळे ४० सहस्र लोकांच्या जिवाला धोका निर्माण झाला आहे. धरणावरील आक्रमणावरून रशिया आणि युक्रेन एकमेकांवर धरण फोडल्याचा आरोप करत आहेत. पुरात अडकलेल्या लोकांना वाचवणार्‍या बचाव पथकावर रशियाने आक्रमण केल्याचा आरोप युक्रेनने केला आहे.

पुराच्या बचाव कार्याच्या वेळी रशियावर आक्रमण करण्यासाठी पेरलेले भूसुरुंग आता बचाव कार्यात अडथळा ठरत आहेत. परिसरात पाणी साचल्याने ते शोधणे कठीण झाले आहे. भूसुरुंग पाण्याच्या प्रवाहामुळे तरंगू लागले आहेत. जर ते एखाद्या वस्तूवर आदळले, तर त्यांचा स्फोट होण्याची शक्यता वर्तवण्यात आली आहे.

नूतन लेख