१. ‘घरासंबंधी अनेक अडचणी येत असतांना एका व्यक्तीने आम्हाला कुलदेवीचे दर्शन घेण्यास सांगितले होते. नंतर कोणतीही अडचण न येता लगेच आमचे कुलदेवीच्या दर्शनाला जाण्याचे नियोजन झाले. गाडीने प्रवास करतांना माझ्या मनात विचार आला, ‘एखादा पक्षी किंवा प्राणी ‘शुभसंकेत’ म्हणून दिसावा.’ थोड्याच वेळात मला मोर दिसला.
२. तुळजापूर येथे गेल्यावर श्री भवानीदेवीचे दर्शन घेतांना माझी भावजागृती झाली. पुजारी आम्हाला देवीच्या दर्शनासाठी गाभार्‍यात घेऊन जात होते. तेव्हा ‘त्यांच्या माध्यमातून प.पू. गुरुदेवच आम्हाला देवीकडे घेऊन जात आहेत’, असे मला वाटले. आम्हाला अगदी जवळून देवीचे दर्शन झाले. त्या वेळी गाभार्‍यात इतर कुणीही भक्त नव्हते.
३. मंदिराच्या बाहेर आल्यावर कळसाचे दर्शन घेतांना कळसाच्या ठिकाणी मला श्री दुर्गादेवीचे दर्शन झाले आणि तेथे चालतांना ‘पायाखालचे काहीतरी (त्रासदायक) नष्ट होत आहे’, असे मला जाणवले.
४. मंदिराच्या आवारात बसून नामजप करतांना कळसाकडे पाहिल्यावर मला श्रीसत्‌शक्ति (सौ.) बिंदा नीलेश सिंगबाळ, श्रीचित्‌‌शक्ति (सौ.) अंजली मुकुल गाडगीळ आणि सद्गुरु (कु.) अनुराधा वाडेकर यांचे दर्शन झाले.’
– श्री. अमर सांगळे, मुंबई (२६.१.२०२०)
येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक
सद्गुरु आणि संत यांच्या सहवासात साधना करण्याची संधी मिळत असल्याने साधिकेला स्वभावदोषांवर मात करण्यासाठी बळ मिळत असणे
सतत नामानुसंधानात राहून परात्पर गुरु डॉ. आठवले यांचे मन जिंकणार्या सनातनच्या ६४ व्या संत पू. (कै.) शेऊबाई लोखंडेआजी (वय १०० वर्षे) !
‘साधक आणि संत यांचे परात्पर गुरु डॉ. आठवले यांच्यावर विलक्षण प्रेम आहे’, हे दर्शवणारा एक प्रसंग !
तीव्र आध्यात्मिक त्रास होत असतांना त्यातून बाहेर पडण्यासाठी सच्चिदानंद परब्रह्म डॉ. आठवले यांच्यावरील श्रद्धेच्या बळावर प्रयत्न करणारी ६३ टक्के आध्यात्मिक पातळीची कु. कल्याणी गांगण !
घालती गुरुदेव साद ।
कोणतीही कृती करण्यापूर्वी त्या कृतीशी संबंधित देवता आणि कुलदेवता यांना प्रार्थना करावी !