नगर येथे पोलिसांचे वाहन अडवून आरोपीवर ५ धर्मांधांचे प्राणघातक आक्रमण !

धर्मांधांवर पोलिसांचा वचक नसल्याचे उदाहरण ! – संपादक

नगर – येथील भिंगार भागात एका गुन्ह्यात पसार झालेल्या सादिक बिराजदार या आरोपीला पोलिसांनी १५ ऑगस्टच्या रात्री अटक केली. त्याला घेऊन जात असतांना एका टोळीने पोलिसांची गाडी अडवून सादिकवर आक्रमण केले. यात जखमी झालेल्या सादिकची प्रकृती चिंताजनक आहे. सादिकची पत्नी रुक्सार हिने दिलेल्या तक्रारीवरून ५ धर्मांधांच्या विरोधात हत्येच्या प्रयत्नाचा गुन्हा नोंद करण्यात आला आहे.

पोलिसांच्या कह्यात असूनही आरोपीला मारहाण झाल्याने हे प्रकरण गांभीर्याने घेतले जात आहे, तर सादिकच्या कुटुंबियांनी पोलिसांची भूमिका संशयास्पद वाटत असल्याने या प्रकरणाची सखोल चौकशी करण्याची मागणी केली आहे.