मनसेच्या पदाधिकार्यांनी आवाज उठवताच तहसीलदारांनी केली ‘कोविड केअर सेंटर’ची पहाणी
मृताच्या टाळूवरील लोणी खाण्याचा प्रकार ! याला उत्तरदायी असणार्यांवर सरकारने कठोर कारवाई केली पाहिजे !
सावंतवाडी – शहरातील एका खासगी ‘कोविड केअर सेंटर’मध्ये व्हेंटिलेटर नसतांनाही त्याचे देयक आकारले गेल्याच्या प्रकरणी मनसेच्या संतप्त पदाधिकार्यांनी तहसीलदार राजाराम म्हात्रे यांच्यासह त्या खासगी कोविड केअर सेंटरची पहाणी केली. या वेळी तहसीलदार राजाराम म्हात्रे यांनी ‘संपूर्ण घटनेची चौकशी करण्यात येईल’, असे आश्वासन दिले.
शहरातील एका रुग्णाची ऑक्सिजनची पातळी खालावल्याने त्याला एका खासगी कोविड केअर सेंटरमध्ये भरती करण्यात आले होते; मात्र त्या रुग्णाची ऑक्सिजनची पातळी पुष्कळ खाली आल्याने त्याला अन्य रुग्णालयात भरती करण्यास सांगण्यात आले. या वेळी ‘त्या रुग्णावर एक दिवस केलेल्या उपचाराचे २३ सहस्र रुपयांचे देयक त्याने भरल्यानंतर त्याला सेंटरमधून सोडण्यात येईल’, असे सेंटरकडून सांगण्यात आले. त्या रुग्णाने देयक भरून पुढील उपचार बांबोळी, गोवा येथील रुग्णालयात घेतले. तेथे
१५ दिवस उपचार केल्यानंतर तो रुग्ण बरा होऊन घरी परतला. त्यानंतर त्या रुग्णाच्या पत्नीने सावंतवाडी येथील कोविड सेंटरने देयक देतांना त्यात व्हेंटिलेटरची सुविधा नसतांनाही त्याचे शुल्क आकारल्याचे लक्षात आल्यावर मनसेचे सरचिटणीस तथा माजी आमदार परशुराम उपरकर यांना संपर्क करून सर्व प्रसंग सांगितला. त्यानंतर उपरकर यांनी सावंतवाडी येथील मनसेच्या पदाधिकार्यांना याविषयीची माहिती दिल्यावर पदाधिकार्यांनी ही गोष्ट तहसीलदार म्हात्रे यांच्या निदर्शनास आणून दिली.
व्यक्तीला येणारा तणाव आणि वैद्यकीय दृष्टीकोनातून ध्यानामुळे होणारे लाभ !
कसाईमुक्त जनावरांच्या बाजारासाठी मिलिंद एकबोटे यांची आमरण उपोषणाची चेतावणी !
‘सनबर्न’ महोत्सवात ध्वनीप्रदूषणाचे नियम मोडल्यास कारवाई करण्याचे दायित्व पोलिसांचे ! – गोवा राज्य प्रदूषण नियंत्रण मंडळ
गोव्यात ‘सन, सी अँड सँड’ ऐवजी आध्यात्मिक आणि मंदिर संस्कृती यांना प्रोत्साहन दिले ! – मुख्यमंत्री डॉ. प्रमोद सावंत
मुंबईत ८०, तर नागपूर येथे २५ महिला देहव्यापार करतांना आढळल्या !
आचरा येथील समुद्रात अवैधरित्या मासेमारी करणार्या कर्नाटक येथील नौकेवर कारवाई !