गुंगीचे औषध देऊन गोहत्येसाठी गायीला चोरण्याचा डाव फसला

अंबरनाथ येथील प्रकार !

अंबरनाथ –  येथील जावसई परिसरातील वाघवाडीतील तुषार लोंढे आणि अक्षय वाघचौरे यांच्या गायी चरायला गेल्या होत्या; पण रात्री ८ वाजता ३ गायी सापडत नसल्याचे त्यांच्या लक्षात आले. शोध घेतांना तिघे एका गायीला ब्रेड खायला देत असल्याचे लक्षात आले. तोपर्यंत गायी चोरणारे तिघे पळून गेले; पण गाय बेशुद्ध पडली होती. तिला गुंगीचे औषध देऊन चोरण्याचा डाव असल्याचे त्यांच्या लक्षात आले. यात एकाला पकडण्यात आले. त्याने गोहत्येसाठी गाय चोरत असल्याचे मान्य केले. या प्रकरणी अन्वेषण चालू आहे.