घोषणा देत सर्व आमदारांचा विधानभवनात प्रवेश
नागपूर – केंद्रीय गृहमंत्री अमित शहा यांनी संसदेत केलेल्या भाषणात ‘भारतरत्न’ डॉ. बाबासाहेब आंबेडकर यांचा अवमान केल्याचा आरोप करत याच्या निषेधार्थ महाविकास आघाडीने नागपूर येथील संविधान चौक ते विधानभवनापर्यंत आंदोलन केले. यात महाविकास आघाडीचे आमदार सहभागी झाले होते.
येथील डॉ. बाबासाहेब आंबेडकर यांच्या पूर्णाकृती पुतळ्याला हार घालून आणि अभिवादन करून आंदोलनाला प्रारंभ करण्यात आला. डॉ. बाबासाहेब आंबेडकर यांचे छायाचित्र घेऊन घोषणा देत सर्व आमदारांनी विधानभवनात प्रवेश केला.
शिवसेना (उद्धव बाळासाहेब ठाकरे) पक्षाचे विधीमंडळ नेते आणि आमदार आदित्य ठाकरे म्हणाले, ‘‘डॉ. बाबासाहेब आंबेडकर यांचा अपमान झाल्याचे आम्हाला वाटते, तसे नितीश कुमार, रामदास आठवले आणि सत्तेतील भाजपचे मित्रपक्ष यांना वाटत असेल, तर त्यांनी आंदोलन केले पाहिजे.’’
राष्ट्रीय काँग्रेसचे नेते आमदार विजय वडेट्टीवार म्हणाले, ‘‘डॉ. आंबेडकर यांचा अवमान केल्याच्या प्रकरणी केंद्रीय गृहमंत्र्यांनी क्षमा मागावी.’’ राष्ट्रीय काँग्रेसचे ज्येष्ठ नेते तथा आमदार डॉ. नितीन राऊत म्हणाले, ‘‘डॉ. बाबासाहेब आंबेडकर म्हणजे आमची अस्मिता आहे. आंबेडकर माणुसकीला मानत होते.’’
हिंदूविरोधी कारवाया करणार्यांना मंदिरांतील उत्सवांमध्ये व्यवसाय करू देणार नाही !
बांगलादेशी हिंदूंवरील अत्याचार पाहून जागा होत नाही, तो हिंदु नव्हे ! – नवनीत राणा, माजी खासदार
‘डबल इंजिन’ सरकारमुळे गोव्याचा विकास शक्य ! – मुख्यमंत्री डॉ. प्रमोद सावंत
बांगलादेशातील हिंदूंवरील अत्याचार रोखण्यासाठी केंद्र सरकारने त्वरित हस्तक्षेप करावा ! – अधिवक्ता संघटनेची केंद्राकडे मागणी
कोकण रेल्वेस्थानकांची देखभाल, दुरुस्ती आणि नूतनीकरण यांसह अन्य कामांसाठी अनुदान द्या !
जगामध्ये शांती ठेवण्यासाठी भारताची आवश्यकता आहे ! – प.पू. सरसंघचालक डॉ. मोहन भागवत