Pakistan Happy For Kejriwal:(म्हणे) ‘केजरीवाल यांची सुटका संयत भारतासाठी चांगली बातमी !’

केजरीवाल यांना मिळालेल्या जामिनामुळे पाकिस्तानचे माजी मंत्री फवाद चौधरी यांना आनंद !

इस्लामाबाद (पाकिस्तान) – मोदीजी आणखी एक लढाई हरले. केजरीवाल यांची सुटका झाली असून ही संयत भारतासाठी चांगली बातमी आहे, अशी प्रतिक्रिया पाकिस्तानचे माजी माहिती आणि प्रसारण मंत्री फवाद चौधरी यांनी देहलीचे मुख्यमंत्री अरविंद केजरीवाल यांना मिळालेल्या अंतरिम जामिनावर व्यक्त केली. फवाद चौधरी यांनी काही दिवसांपूर्वी ‘एक्स’वर एक व्हिडिओ शेअर करून राहुल गांधी यांचे कौतुक केले होते. त्यावर टीका करतांना पंतप्रधान मोदी यांनी एका प्रचारसभेत म्हटले होते की, भारतात काँग्रेस कमकुवत होत असतांना पाकिस्तानी नेते काँग्रेससाठी प्रार्थना करीत आहेत. काँग्रेस कमकुवत झाल्यामुळे पाकिस्तानी रडत आहेत. पाकिस्तान आणि काँग्रेस यांच्यातील मैत्री चव्हाट्यावर आली आहे.