हे गुरुमाऊली (टीप), लीन होऊदे तुझिया चरणी ।

परमपूज्य (टीप) हे विश्वगुरु ।
परमपूज्य हे जगद्गुरु ।
परमपूज्य हे नामगुरु ।
परमपूज्य हे वेदगुरु ।। १ ।।

जगत्जननी तू जगत्पालका ।
अनंतकोटी ब्रह्मांडनायका ।
विश्वाधारा मोक्षदायका ।
सत्याचरणी सत्यपालका ।। २ ।।

तू ही राम अन् तू ही कृष्ण ।
तू ही ब्रह्म अन् तू ही शिव ।
विश्वशांती ही आस आमची ।
विश्वक्रांती ही तृषा आमची ।। ३ ।।

आम्ही पामरे तुझी लेकरे ।
जशी फुलांवर फुलपाखरे ।
इकडून तिकडे तिकडून इकडे ।
मन चंचल हे असे बागडे ।। ४ ।।

हे गुरुमाऊली, लीन होऊदे तुझिया चरणी ।
स्थिर होऊदे तुझिया चरणी ।
कलियुगी या अवतरलासी ।
सन्मार्ग दाखवण्या सकल जनांसी ।। ५ ।।

बदलसी तू या जगतासी ।
हेची मागणे तव चरणांसी ।
विश्वशांती हा ध्यास आमचा ।
विश्वशांती ही आस आमची ।। ६ ।।

टीप – सच्चिदानंद परब्रह्म डॉ. आठवले

– सौ. तेजा म्हार्दाेळकर, म्हार्दाेळ, गोवा