तालिबानमधील गटबाजीमुळे अफगाणिस्तानची गृहयुद्धाकडे वाटचाल !

काबुल – अफगाणिस्तानचे माजी कमांडर लेफ्टनंट जनरल हैबतुल्ला अलीझाई यांनी दावा केला आहे की, तालिबानी वेगवेगळ्या गटांमध्ये विभागल्यामुळे अफगाणिस्तान पुन्हा एकदा गृहयुद्धाकडे वाटचाल करत आहे.

Two years after the US forces abruptly left #Kabul, #Afghanistan is headed towards a civil war, the #Taliban is now riddled with factionalism, and the country is fast becoming a safe haven for foreign terrorists, a former Afghan commander has said.
https://t.co/H0q4koioVa

— Economic Times (@EconomicTimes) September 12, 2023

तालिबानमध्ये आता दुफळी झाली असून हा देश आता परदेशी आतंकवाद्यांचे सुरक्षित आश्रयस्थान बनत चालला आहे. गेल्या दोन वर्षांत अफगाणिस्तान आतंकवाद्यांच्या नियंत्रणात गेले आहे. लेफ्टनंट जनरल हैबतुल्ला अलीझाई हे वर्ष २०२१ मध्ये जेव्हा राजधानी काबुल तालिबानच्या कह्यात होती, तेव्हा अफगाणिस्तानचे सैन्यप्रमुख होते.

A former Afghan commander has claimed that Afghanistan is moving towards civil war due to the Taliban’s division into different factions. Former commander Haibatullah Alizai further claimed that the country had become a safe haven for foreign terrorists.#Afghanistan #Taliban pic.twitter.com/PZeDDN7RVV

— Bnz English (@BnzEnglish) September 12, 2023

अफगाणिस्तानमधून माघार, ही अमेरिकेची घोडचूक ! – माजी सैनिकी कमांडर

बायडेन प्रशासनाने अचानक अफगाणिस्तान सोडण्याचा निर्णय घेऊन मोठी चूक केली. त्यांना अफगाणिस्तानविषयी अधिक माहिती गोळा करण्याची आणि अफगाणिस्तानातील परिस्थितीमध्ये थोडे खोलवर जाण्याची संधी मिळाली होती; परंतु कुठलाही विचार न करता घाईघाईने त्या वेळी निर्णय घेण्यात आला, असे माजी सैनिकी कमांडर लेफ्टनंट जनरल हैबतुल्ला अलीझाई यांनी सांगितले.