|
फोंडा (गोवा) – वर्ष २००४ मध्ये मी फ्रान्समध्ये रहात होतो. तेव्हा एका तुरळक घटनेवरून उत्तर आफ्रिकी मुसलमान आणि अरब लोक यांनी तब्बल १० सहस्र गाड्या जाळल्या होत्या. युरोपीय मुसलमानांमधील गुन्हेगारी प्रवृत्ती ही त्यांच्या लोकसंख्येपेक्षा १० पटींनी अधिक आहे. तेथे अमली पदार्थांचे दलाल हे एकतर अरब आहेत अथवा पाकिस्तानी ! युरोपात किरकोळ चोर्‍या करण्यापासून मोठे दरोडे घालणारे बहुतेक जण हे धर्मांध मुसलमान आहेत, असे वक्तव्य लंडन येथील प्रसिद्ध इस्लामी अभ्यासक आरिफ अजाकिया यांनी केले. फ्रान्समध्ये फ्रेंच पोलिसांनी अरब वंशाच्या एका तरुणाची हत्या केल्यावरून तेथे देशव्यापी हिंसाचार उसळला आहे. तेथील सहस्रावधी धर्मांध मुसलमान हैदोस घालत आहेत. यावरून ‘सनातन प्रभात’च्या प्रतिनिधीने अजाकिया यांना या विषयावर संपर्क साधला असता ते बोलत होते.
अजाकिया पुढे म्हणाले की,
१. युरोपमध्ये रहाणार्‍या मुसलमानांपैकी बहुतेक जण हे उत्तर आफ्रिकेतील ट्युनिशिया, लिबिया, अल्जेरिया, इजिप्त आणि मोरोक्को या देशांतील आहेत. हे सर्व देश एकतर एकाधिकारशाहीच्या आधारावर चालतात अथवा कट्टर इस्लामी देश आहेत.
२. अन्य देशांच्या तुलनेत युरोपीय पोलीस हे तेवढे कडक नाहीत. त्यामुळे फ्रान्समध्ये जो हिंसाचार चालू आहे, तो निषेधार्हच आहे. येथील मुसलमानांनी लक्षात घ्यावे की, ‘फ्रान्सने तुम्हाला पुष्कळ दिले आहे. तुमच्या देशांमध्ये तुम्हाला जे स्वातंत्र्य नाही, ते फ्रान्सने तुम्हाला दिले आहे !’
३. युरोपात लवकरच यादवी युद्ध होणार आहे. फ्रान्सने हे टाळण्यासाठी काही चांगली पावले उचलली आहेत. ऑक्टोबर २०२० मध्ये पॅरिस येथील शिक्षक साम्युएल पॅटी यांच्या शिरच्छेदानंतर राष्ट्रपती इमॅन्युएल मॅक्रॉन यांनी काही कठोर कायदे केले.
४. जगभरातील मदरसेच सर्व रक्तपातामागील मूळ कारण आहेत. मदरशात प्रवेश घेतल्यावर मुलांना आरंभीच शिकवले जाते की, नशिबाने तुम्ही मुसलमान आहात ! त्यामुळे तुम्हाला जन्नत (स्वर्ग) मिळेल. मुसलमानेतरांना जहन्नुम (नरक) मिळणार आहे !’ येथपासूनच मुसलमान मुलांमध्ये श्रेष्ठत्वाची अथवा अन्यांना न्यून लेखण्याची भावना निर्माण करण्यात येते. धर्माला घरात ठेवले पाहिजे. केवळ भारत अथवा युरोपच नव्हे, तर संपूर्ण जगात मदरशांमधून देण्यात येणार्‍या शिक्षणावर बंदी लादली पाहिजे. सर्व मदरशांना टाळे ठोकले पाहिजे. मुसलमानांना मुख्य प्रवाहातील आधुनिक शिक्षण देण्याची आवश्यकता आहे. ज्यांना मौलवी (इस्लामी अभ्यासक) बनायचे आहे, तेवढ्यांनाच मदरशात पाठवावे. सर्व मुसलमानांना त्याची काय आवश्यकता आहे ?
४. वर्ष २००४ मध्ये फ्रान्समध्ये एक नियम बनवण्यात आला होता, ज्यांतर्गत कुणालाही धार्मिक चिन्हे प्रदर्शित करून शाळांमध्ये जाता येणार नाही. मी एका फ्रेंच खासदाराला यामागील कारण विचारले असता त्यांचे उत्तर अत्यंत बोलके होते. ते म्हणाले, ‘‘आम्हाला फ्रेंच देशाची उभारणी करायची आहे. समान शैक्षणिक व्यवस्थेतूनच याची निर्मिती होईल. आम्हाला देशाचे विभाजन करायचे नाही !’
युरोप आणि अमेरिका यांचे अभिव्यक्ती स्वातंत्र्य विवादास्पद !
स्विडन येथे कुराण जाळण्याच्या घटनेवरून अजाकिया म्हणाले, ‘‘असे कृत्य करणे अयोग्य आहे. कुराण जाळून काहीच लाभ होणार नाही. जगभरातील दीड अब्ज मुसलमानांना अनावश्यक चिथावणी देण्याचा अथवा दुखावण्याचा हा प्रयत्न आहे. स्वीडनमधील एका इराणी शरणार्थीने हे कृत्य केले आहे. युरोपमध्ये ज्यूंचा ‘होलोकास्ट’ (नरसंहार) अथवा युनायटेड किंगडमची राजेशाही यांच्या विरोधात कुणीही बोलू शकत नाही. नुकत्याच झालेल्या अमेरिकी दौर्‍याच्या वेळी भारताचे पंतप्रधान नरेंद्र मोदी यांना ‘द वॉल स्ट्रीट जर्नल’च्या मुसलमान पत्रकाराने भारतातील मुसलमानांवरील कथित अन्यायावरून प्रश्‍न केला. खरेतर हे नियतकालिक आर्थिक क्षेत्राशी संबंधित असल्याने त्यांनी मोदी यांना त्या क्षेत्राशी निगडित प्रश्‍न विचारणे आवश्यक होते. अमेरिका अभिव्यक्ती स्वातंत्र्याच्या गप्पा मारते; परंतु अनेक सरकारांचा भांडाफोड करणार्‍या ‘विकीलीक्स’चे प्रमुख जुलियन असांजे यांना कारागृहात टाकते. त्यामुळे अमेरिका असो अथवा युरोप, यांचे अभिव्यक्ती स्वातंत्र्य हे विवादास्पदच आहे !’’ |
‘इसिस-केपी’चे वैश्विक संकट आणि भारताने घ्यावयाची दक्षता
हिंदुस्थानच्या विरोधात अमेरिकी प्रसारमाध्यमांचा थयथयाट !
भोपाळ (मध्यप्रदेश) येथील ‘हेमा’ हायर सेकंडरी स्कूल’मध्ये ‘तणावमुक्ती’ वर प्रवचन पार पडले !
मध्यप्रदेशचे माजी गृहमंत्री असलेले भाजपचे नरोत्तम मिश्रा यांची हिंदु जनजागृती समितीच्या वतीने घेण्यात आली सदिच्छा भेट !
आतंकवादाचे समर्थन करूनही मुख्याध्यापकपदाचे त्यागपत्र न देणार्या परवीन शेख यांची हकालपट्टी करा ! – हिंदु जनजागृती समितीची
‘हमास’विषयी सहानुभूती दाखवणार्या मुख्याध्यापिकेकडे व्यवस्थापनाने मागितले स्पष्टीकरण !