शाहरूखसोबत विवाह करणार्‍या टिवंकल यादवची इस्लाम न स्वीकारल्यामुळे हत्या !

फरीदाबाद – येथील टिवंकल यादव या हिंदु तरुणीने शाहरूख नावाच्या मुसलमान तरुणासोबत विवाह केला. त्यानंतर तिच्यावर हिंदु तरुणीवर मांस खाण्यास आणि  इस्लाम स्वीकारण्यास दबाव टाकला जाऊ लागला. टिवंकल हिने इस्लाम स्वीकारण्यास नकार दिल्याने तिची हत्या करण्यात आली, असा आरोप मृत तरुणीच्या कुटुंबियांनी केला आहे.

‘ये यादव की बच्ची है, नहीं पीना इसके हाथ का पानी’: मेवात के शाहरुख़ से शादी करने वाली ट्विंकल की संदिग्ध स्थिति में मौत: परिजन बोले – इस्लाम न कबूलने पर हत्या#Faridabad #Mewathttps://t.co/77LJ23Gtob

— ऑपइंडिया (@OpIndia_in) January 21, 2023

२४ वर्षीय टिवंकल यादव ही मूळची उत्तरप्रदेशातील अमेठी येथील आहे. टिवंकल हिने ३ वर्षांपूर्वी मेवात येथील शाहरूखशी तिच्या कुटुंबियांच्या इच्छेविरुद्ध लग्न केले होते. ‘शाहरूख आणि त्याचे कुटुंबीय टिवंकलवर धर्मांतरासाठी दबाव टाकत होते. शाहरूखची आई टिवंकल हिला ‘हिंदु’ संबोधून तिच्या हातचे पाणीही पित नव्हती आणि धर्मांतरासाठी तिचा छळ करत होती. शाहरूखने २० जानेवारी या दिवशी केलेल्या बेदम मारहाणीमुळे टिवंकल हिचा मृत्यू झाला’, असा आरोप टिवंकलचा भाऊ सुमित यादव यांनी पोलिसांत प्रविष्ट केलेल्या तक्रारीत केला आहे. पोलीस या प्रकरणाचे अन्वेषण करत आहेत.