तेलंगाणामध्ये अश्‍लील गाण्यात हिंदूंच्या मंत्रजपाचा वापर केल्यावरून गायकाच्या विरोधात गुन्हा नोंद !

भाग्यनगर (तेलंगाणा) – प्रसिद्ध चित्रपट संगीतकार आणि गायक देवी श्री प्रसाद यांचे ‘ओ परी’ या अश्‍लील गाण्यामध्ये ‘हरे रामा हरे कृष्णा’ हा मंत्रजप जोडण्यात आल्याचे लक्षात आल्यानंतर हिंदुत्वनिष्ठ संघटनांनी येथील सायबर पोलिसांकडे तक्रार केली. देवी श्री प्रसाद यांच्याविरुद्ध कलम १५३(अ) आणि २९५(अ) अंतर्गत गुन्हा नोंदवण्यात आला. (हिंदूंच्या मंत्रजपाचे विडंबन रोखण्यासाठी तत्परतेने कृती करणार्‍या हिंदुत्वनिष्ठ संघटनांचे अभिनंदन ! – संपादक)

हे गाणे रकीब आलम याने लिहिले असून ‘टी सीरिज’ या आस्थापनाने ते प्रकाशित केले आहे. या गाण्याचे निर्माते आणि अन्य संबंधित लोकांवरही गुन्हा नोंदवण्याची मागणीही तक्रारीत करण्यात आली आहे. गुन्हा नोंदवल्यानंतर तेलुगु यू ट्यूब चॅनल ‘टोनिक’वरून हे गाणे हटवण्यात आले.