सनातन प्रभात > Location > आशिया > भारत > उत्तर प्रदेश > उत्तरप्रदेशच्या जौनपूर जिल्ह्यात हिंसक निदर्शने : दुचाकी, बस आणि जीप जाळल्या

उत्तरप्रदेशच्या जौनपूर जिल्ह्यात हिंसक निदर्शने : दुचाकी, बस आणि जीप जाळल्या

केंद्र सरकारच्या अग्निपथ योजनेला विरोध

लक्ष्मणपुरी (उत्तरप्रदेश) – केंद्र सरकारच्या अग्निपथ योजनेच्या विरोधात उत्तरप्रदेशच्या जौनपूर जिल्ह्यात सलग दुसर्‍या दिवशी हिंसक निदर्शने करण्यात आली. १८ जूनला सकाळी शेकडो तरुण रस्त्यावर उतरले. बदलापूर आणि लाला बाजार येथे आंदोलकांनी अनेक दुचाकी, २ बस आणि जीप जाळल्या. परिस्थिती हाताळण्यासाठी पोलिसांनी अश्रूधुराच्या नळकांड्या फोडल्या आणि नंतर हवेत गोळीबार केला.

राज्याचे माहिती आयुक्त प्रमोद तिवारी यांना घेऊन जाणार्‍या पोलिसांच्या वाहनावर बदलापूरजवळ दगडफेक करण्यात आली. यामध्ये पोलीस उपनिरीक्षक राजेंद्र यादव आणि पोलीस शिपाई राम यादव घायाळ झाले. जौनपुर-प्रयागराज महामार्गावर बराच वेळ वाहतूक खोळंबली होते. बदलापूर येथे अनेक ठिकाणी आंदोलकांनी दगडफेक केली.

नूतन लेख