बाटलीबंद पाणी विक्रीसाठी भारतीय मानक ब्युरोचे प्रमाणपत्र आवश्यक ! – भारतीय खाद्य सुरक्षा आणि मानक प्राधिकरणाचा नवा नियम

नवी देहली – भारतीय खाद्य सुरक्षा आणि मानक प्राधिकरण (‘एफ्.एस्.एस्.ए.आय.आय.’ने) बाटलीबंद पाणी आणि मिनरल पाणी उत्पादकांसाठी भारतीय मानक ब्युरोचे (बी.आय.एस्.’चे) प्रमाणपत्र अनिवार्य केले आहे. १ एप्रिल २०२१ पासून हा नियम लागू होणार आहे.

#FSSAI का ये आदेश 1 अप्रैल 2021 से लागू हो जाएगा. #PackagedDrinkingWater https://t.co/94qijjWe2Z

— Zee News (@ZeeNews) March 27, 2021

या प्रमाणपत्रानंतरच अशा प्रकारे पाणी विकता येणार आहे. अन्न सुरक्षा आणि मानक कायदा २००८ नुसार सर्व खाद्य व्यवसाय संचालकांना कोणताही खाद्य व्यवसाय प्रारंभ करण्यापूर्वी परवाना / नोंदणी घेणे बंधनकारक असणार आहे. यापूर्वी वर्ष २०१९ मध्ये रेल्वे स्थानकांवरील अनेक स्टॉल्समध्ये अनधिकृत ब्रँडच्या पिण्याच्या पाण्याच्या बाटल्यांची विक्री समोर आली होती.