वेंगुर्ला – तालुक्यातील वेळागर (शिरोडा) येथे चालू असलेल्या ‘पॅरासिलिंग’मुळे (एका जलक्रीडा प्रकारामुळे) मासेमारीवर परिणाम होत आहे, तसेच याच्या विरोधात आवाज उठवणार्‍या येथील काही मासेमारांवर ‘पॅरासिलिंग’च्या मालकाने दावे प्रविष्ट केल्याने केरवाडा येथील ६०० ते ७०० संतप्त मासेमारांनी १९ मार्चला मासेमारी व्यवसाय बंद ठेवून वेळागर येथे आंदोलन केले. या समस्येवर लोकप्रतिनिधी आणि प्रशासन यांच्याकडून तोडगा न निघाल्यास संघर्ष करण्यात येईल, अशी चेतावणी या वेळी मासेमारांनी दिली.
वेळागर येथे चालू असलेल्या पॅरासिलिंगचे यंत्र मोठ्या शक्तीचे असल्याने समुद्रातील पाणी ढवळून निघते. त्यामुळे याचा मासेमारीवर मोठ्या प्रमाणात परिणाम होतो, असा आरोप येथील मासेमार करत आहेत. याच्या विरोधात १ वर्षापूर्वी आवाज उठवला गेला होता. नंतर कोरोनामुळे लागू करण्यात आलेल्या दळणवळण बंदीमुळे बंद असलेला ‘पॅरासिलिंग’ हा जलक्रीडा प्रकार पुन्हा चालू झाल्याने मासेमारांनी पुन्हा याच्या विरोधात आवाज उठवला आहे. या वेळी सरपंच मनोज उगवेकर, उपसरपंच रवि पेडणेकर, माजी उपसरपंच वासुदेव पेडणेकर यांच्यासह शेकडो मासेमार उपस्थित होते.
आंदोलनस्थळी भाजपचे तालुकाध्यक्ष सुहास गवंडळकर, मासेमारांचे नेते दादा केळुसकर, शिवसेना तालुकाप्रमुख यशवंत उपाख्य बाळू परब, उपजिल्हाप्रमुख बाळा दळवी यांनी भेट देऊन मासेमारांशी चर्चा केली.
‘हिंदु राष्ट्रासाठी स्वत:चे साहाय्य होईल’, अशी भूमिका घ्या ! – नितेश राणे, मत्स्यव्यवसाय आणि बंदरे विकासमंत्री, महाराष्ट्र
पाटवळ, सत्तरी (गोवा) येथे वन्यप्राण्यांची शिकार करतांना एकाचा मृत्यू झाल्याचे प्रकरण
कळंगुट येथे रस्त्यावर अनधिकृतपणे बिर्याणी विकणार्यांवर अन्न आणि औषध प्रशासनाची कारवाई
राज्याचे गृहमंत्री म्हणून देवेंद्र फडणवीस न्याय देतील हा विश्वास आहे ! – पंकजा मुंडे, पर्यावरणमंत्री
साईबाबा संस्थानमध्ये बनावट दर्शन पास सिद्ध करणारा कर्मचारी सागर आव्हाडवर गुन्हा नोंद !
बांगलादेशी आणि रोहिंग्या मुसलमानांची सांगली जिल्ह्यात शोधमोहीम राबवा ! – नितीन शिंदे, प्रदेशाध्यक्ष, हिंदु एकता आंदोलन