बांदा विभागीय कृषी मंडळ कार्यालयासमोर २६ जानेवारीला ध्वजारोहण न केल्याचे प्रकरण
सावंतवाडी – तालुक्यातील येथील बांदा विभागीय कृषी मंडळ कार्यालयासमोर २६ जानेवारीला ध्वजारोहण करण्यात न आल्याने बांद्याचे सरपंच अक्रम खान यांनी कार्यालयात जाऊन कृषी पर्यवेक्षक प्रकाश घाडगे यांना याविषयी खडसावले; मात्र घाडगे सक्षम कारण देऊ न शकल्याने अक्रम खान यांनी जिल्हाधिकार्‍यांकडे लेखी तक्रार करणार असल्याचे सांगितले आहे, तसेच २८ जानेवारी या दिवशी कार्यालयाला टाळे ठोकण्याची चेतावणी दिली आहे.
सरपंच अक्रम खान हे बांदा कृषी मंडळ कार्यालयामध्ये विचारणा करण्यास गेले असता बांदा मंडळ अधीकारी रूपाली पापडे या सुटीवर असल्याने पर्यवेक्षक प्रकाश घाडगे यांच्याकडे कार्यभार होता. या वेळी घाडगे यांनी मी २३ जानेवारी २०१९ या दिवशी ध्वज खराब झाल्याचे वरिष्ठांना लेखी कळवले होते, तसेच या वेळी कार्यालयामध्ये पुरेसा कर्मचारीवर्ग नाही, अशी उत्तरे दिली. या वेळी घाडगे यांनी याला ते उत्तरदायी नसून सर्वस्वी वरिष्ठ उत्तरदायी असल्याचे सांगितले. वर्ष २०१९ पासून आतापर्यंत दोन वेळा २६ जानेवारी आणि १५ ऑगस्ट या दिवशी ध्वजारोहण केले नसल्याचे घाडगे यांनी मान्य केले. खान यांनी ध्वजारोहण करू नका, असे शासनाचे परिपत्रक आले होते का ?, असा प्रश्‍न उपस्थित केला असता घाडगे यांनी परिपत्रक आले नसल्याचे सांगितले. या वेळी सरपंच खान यांनी कृषी खात्याच्या मनमानी कारभाराविषयी जिल्हाधिकार्‍यांकडे लेखी तक्रार करणार असल्याचे सांगितले.
राज्यघटनेच्या प्रस्तावनेत समाजवाद आणि धर्मनिरपेक्षता हे शब्द घुसडून संविधानाच्या मूळ चौकटीला धक्का लावला आहे ! – माधव भांडारी, प्रवक्ते, भाजप
धर्मवीर छत्रपती संभाजी महाराज यांच्या रुईकर कॉलनी येथे असलेल्या मूर्ती परिसरात ‘सीसीटीव्ही’ बसवावे ! – शिवप्रेमींचे महापालिकेत निवेदन
अधिकच्या दराने शीतपेये आणि पाणी यांची विक्री
सुप्रसिद्ध भरतनाट्यम् नर्तक गुरु विद्वान पार्श्वनाथ उपाध्ये, गुरु (सौ.) श्रृति गोपाल आणि गुरु आदित्य पी.व्ही. यांची महर्षि अध्यात्म विश्वविद्यालयाच्या साधिकांनी घेतली सदिच्छा भेट !
पुणे येथील इंद्रायणी नदीपात्रात जलपर्णीची बेसुमार वाढ झाल्याने जलचरांचे अस्तित्व धोक्यात !
मराठवाड्यात ‘जलजीवन’वर १ सहस्र ६७९ कोटी रुपये खर्च !