मुख्यमंत्री एकनाथ शिंदे यांनी घेतले आळंदी येथे संजीवन समाधीचे दर्शन !

आळंदी (जिल्हा पुणे) – राज्याचे मुख्यमंत्री एकनाथ शिंदे यांनी ८ सप्टेंबर या दिवशी आळंदी येथे संतश्रेष्ठ ज्ञानेश्वर माऊलींच्या संजीवन समाधीचे दर्शन घेतले. या प्रसंगी शिवसेना आध्यात्मिक आघाडीचे अध्यक्ष ह.भ.प. अक्षय महाराज भोसले यांसह अन्य उपस्थित होते. दर्शन घेऊन झाल्यावर पत्रकारांशी बोलतांना मुख्यमंत्री म्हणाले, ‘‘गणरायाचे आगमन राज्याला सुख-समृद्धी आणि भरभराट घेऊन येईल, अशी प्रार्थना श्री गणेशाच्या चरणी केली आहे. केवळ देशभरात नव्हे, तर देशाबाहेरही गणेशोत्सव उत्साहात-आनंदात साजरा होत आहे. श्री गणेशाच्या कृपेने चांगला पाऊस पडत आहे. जिथे अतीवृष्टी झाली आहे, तिथे साहाय्य दिले जाईल.’’