‘आम्हा सूक्ष्मज्ञानप्राप्तकर्त्या साधकांना (मी, श्री. राम होनप आणि सुश्री मधुरा भोसले (आध्यात्मिक पातळी ६५ टक्के) यांना) सूक्ष्मातून ज्ञान प्राप्त करण्याची सेवा करता येऊ नये’, यासाठी सूक्ष्मातील अनिष्ट शक्ती आमच्यावर विविध प्रकारे आक्रमणे करतात. या सूक्ष्मातील आक्रमणांमुळे ज्ञानप्राप्तीची सेवा करतांना आम्हाला विविध प्रकारचे आध्यात्मिक त्रास होतात; पण गुरुकृपा आणि संतांचे मार्गदर्शन यांमुळे आध्यात्मिक स्तरावरील उपाय केल्यावर या त्रासांवर मात करून ज्ञानप्राप्तीची सेवा करता येते. या संदर्भात मला जाणवलेल्या सूत्रांपैकी काही सूत्रे १७ जून या दिवशी या दिवशी पाहिली. आज पुढील सूत्रे पाहूया.
(भाग २)
या आधीचा भाग पाहण्यासाठी येथे क्लिक करा : https://sanatanprabhat.org/marathi/804845.html
२. ज्ञानाचे टंकलेखन किंवा सूक्ष्म परीक्षण करतांना आध्यात्मिक त्रासात वाढ होणे
२ इ. सूक्ष्म परीक्षण करतांना स्वतःभोवती मानस संरक्षककवच निर्माण करणे : वर्ष २०१९ मध्ये सनातनच्या रामनाथी आश्रमात एक संत आले होते. त्या संतांना आध्यात्मिक त्रास होता, तरी ते अन्य लोकासाठी आध्यात्मिक स्तरावरील उपाय करून त्यांचे शारीरिक त्रास काही प्रमाणात बरे करायचे. या संदर्भात बोलतांना त्या संतांनी सहज सांगितले, ‘मी उपाय करण्यापूर्वी माझ्या भोवती ‘ॐ’चे सूक्ष्म संरक्षककवच बनवतो.’ त्यांची ही युक्ती ऐकून सुश्री मधुरा भोसले (आध्यात्मिक पातळी ६५ टक्के) यांनी आम्हाला सुचवले, ‘आपणही आपल्याभोवती नामजपाचे संरक्षककवच बनवू शकतो.’ आता मी सूक्ष्म परीक्षण करतांना सद्गुरु डॉ. मुकुल गाडगीळ यांनी मला सांगितल्यानुसार आधी माझ्यावर आलेले त्रासदायक शक्तीचे आवरण काढतो आणि त्यानंतर माझ्याभोवती ‘प्राणशक्तीवहन उपाय पद्धतीप्रमाणे’ शोधून मिळालेल्या नामजपाचे किंवा ‘निर्विचार’ या समष्टी नामजपाचे मानस संरक्षककवच निर्माण करतो. मानस संरक्षककवच केल्यावर मला काही प्रमाणात झालेले लाभ येथे दिले आहेत.
१. आधी सूक्ष्म परीक्षण केल्यानंतर मला थकवा यायचा. तो पूर्वीच्या तुलनेत ४० ते ५० टक्के न्यून झाला आहे.
२. आधी सूक्ष्म परीक्षण करतांना १५ – २० मिनिटांनंतर माझ्यावर त्रासदायक शक्तींचे आवरण निर्माण होत असे. आता मानस संरक्षककवच केल्यामुळे त्रासदायक शक्तींचे आवरण १ घंटा किंवा त्याहून अधिक कालावधीनंतर येते.
३. आधी सूक्ष्म परीक्षण करतांना मनात अनावश्यक विचार यायचे किंवा इतर सूत्रांशी निगडित ज्ञान मिळायचे. मानस संरक्षककवच निर्माण केल्यामुळे मनाची एकाग्रता वाढून ‘अनावश्यक विचार येणे किंवा अन्य सूत्रांचे ज्ञान मिळणे’, न्यून झाले आहे.
३. नियमितपणे आध्यात्मिक उपाय करण्याचे प्रयत्न केल्यामुळे टप्प्याटप्प्याने आध्यात्मिक त्रासाची तीव्रता न्यून होणे
वरीलप्रमाणे सर्व प्रयत्न करून सेवा करू लागल्यावर मला होत असलेले आध्यात्मिक त्रास न्यून झाले.
३ अ. त्रासाचा कालावधी न्यून होणे : आधी मला प्रत्येक मासात १५ दिवस ‘रात्री झोप न लागणे’, ‘पोट साफ न झाल्यामुळे अपचनाचा त्रास होणे’, ‘रक्तातील साखर वाढल्यामुळे गरगरणे’, ‘थकवा येऊन झोपून रहावे लागणे’, असे त्रास होत होते. यासाठी मला औषधोपचारांसह १ मास प्रतिदिन ५ घंटे नामजप करावा लागत असे. आता मला हा त्रास मासातून एक दिवस होतो आणि ५ दिवस किंवा त्याच दिवशी ५ घंटे आध्यात्मिक उपाय केल्यानंतर तो त्रास नाहीसा होतो.
३ आ. आध्यात्मिक त्रास न्यून होऊन शारीरिक त्रास थोडे वाढणे : आधी ज्ञानाचे टंकलेखन किंवा सूक्ष्म परीक्षण करण्यासाठी माझा आध्यात्मिक स्तरावर पुष्कळ संघर्ष व्हायचा. तेव्हा मला ‘लिखाणाची स्फूर्ती न होणे, कंटाळा येणे, लिखाण किंवा सूक्ष्म परीक्षण करतांना सूक्ष्मातून ज्ञान न मिळणे, न सुचणे, लिहितांना गोंधळायला होणे, डोक्यावर दाब जाणवणे, डोके दुखणे, डोळ्यांसमोर अंधारी येणे, अंधुक दिसणे’, असे त्रास व्हायचे. नियमित आध्यात्मिक उपाय केल्यामुळे माझे शारीरिक त्रास थोडे वाढले; पण आध्यात्मिक त्रास न्यून झाले.
३ आ १. मनाचा निश्चय करून ज्ञानाचे टंकलेखन किंवा सूक्ष्म परीक्षण करू लागल्यास आध्यात्मिक त्रास होणे बंद होणे : ज्ञानाचे टंकलेखन किंवा सूक्ष्म परीक्षण करायला आरंभ करण्यापूर्वी मला वर नमूद केलेले आध्यात्मिक त्रास होऊ लागतात; मात्र मनाचा निश्चय करून ज्ञानाच्या टंकलेखनाचे नियोजन किंवा त्या संदर्भात चिंतन करू लागल्यावर सर्व त्रास बंद होऊन हलके वाटते. ज्ञानाच्या टंकलेखनासाठी बसल्यावर किंवा सूक्ष्म परीक्षणाची सेवा करायला आरंभ केल्यावर सर्व त्रास नाहीसे होतात.
३ आ २. ज्ञानाचे टंकलेखन केल्यावर होणारे शारीरिक त्रास : जानेवारी २०२४ पासून ज्ञानाचे टंकलेखन करतांना मला शारीरिक त्रास होत नाही; पण ज्ञानाचे टंकलेखन करून झाल्यावर मला अकस्मात् डोळे लाल होणे, पुष्कळ शिंका येणे, सर्दी होणे इत्यादी त्रास होतात.’ (क्रमश:)
– श्री. निषाद देशमुख (आध्यात्मिक पातळी ६३ टक्के), सनातन आश्रम, रामानाथी, गोवा. (२.२.२०२४, दुपारी १.३५ ते २.१८)
|
सच्चिदानंद परब्रह्म डॉ. आठवले यांच्या कृपेमुळे सांप्रतच्या कलियुगातही एकत्र कुटुंबपद्धतीचा लाभ अनुभवणारे अस्नोडा (गोवा) येथील चोडणकर कुटुंबीय !
भगवंताचे नाव त्याच्यापर्यंत पोचतच नाही, हे कसे शक्य आहे ?
प्रीतीस्वरूप योगतज्ञ प.पू. दादाजी वैशंपायन !
संगीत विषयाचा सूक्ष्मातून अभ्यास करतांना लहानपणी तबला वादन शिकल्याचा उपयोग होत असल्याचे लक्षात येणे
साधकांना होणार्या त्रासावर परिणामकारक नामजपादी उपाय सांगणारे सद्गुरु डॉ. मुकुल गाडगीळ !
सच्चिदानंद परब्रह्म डॉ. आठवले यांनी साधनेविषयी केलेले अमूल्य मार्गदर्शन !