रायगड येथील श्री. राजेश पाटील यांना रामनाथी, गोवा येथील सनातनच्या आश्रमात आलेल्या वैशिष्ट्यपूर्ण अनुभूती

१. रामनाथी (गोवा) येथील सनातनच्या आश्रमात वास्तव्यास असतांना आलेल्या अनुभूती

१ अ. श्रीसत्‌शक्ति (सौ.) बिंदा नीलेश सिंगबाळ यांचे विराट रूपात दर्शन होणे आणि ‘त्या महालक्ष्मीदेवी आहेत’, असे वाटणे : ‘एकदा रामनाथी (गोवा) येथील सनातनच्या आश्रमात झालेल्या शिबिराच्या सेवेसाठी मी आश्रमात आलो होतो. एकदा मला पहाटे ४.१५ वाजता जाग आल्यावर श्रीसत्‌शक्ति (सौ.) बिंदा नीलेश सिंगबाळ यांचे सूक्ष्मातून दर्शन झाले. तेव्हा मला दिसले, ‘त्यांचे रूप मोठे होत आहे. त्या आकाशाला टेकल्या असून आकाशाएवढ्या रूंदही आहेत.’ मला जाणवले, ‘त्या सर्वसाधारण महिला नसून साक्षात् महालक्ष्मीदेवीच आहेत.’

१ आ.  रामनाथी आश्रमात महाविष्णु आणि श्री महालक्ष्मी दोन्ही गुरूंच्या (परात्पर गुरु डॉ. आठवले आणि श्रीसत्‌शक्ति (सौ.) बिंदा नीलेश सिंगबाळ यांच्या) रूपाने वावरत असल्याने ‘मी चैतन्याच्या कवचात रहात आहे’, याची मला सतत जाणीव होत होती. मी आयुष्यात कधी नव्हे एवढा आनंद अनुभवत होतो.

२. मला निसर्गातही भगवंताच्या अस्तित्वाची प्रचीती येते. ‘निसर्ग टवटवीत आणि प्रसन्न आहे अन् तो माझ्या हृदयात आहे’, असे मला जाणवते.’

– श्री. राजेश पाटील, रायगड (३१.७.२०२३)