भाऊबिजेच्या दिवशी सद्गुरु (श्रीमती) प्रेमा कुवेलकरआजी (वय ९० वर्षे) सच्चिदानंद परब्रह्म डॉ. आठवले यांची मानसपूजा करत असतांना त्यांनी सायुज्य मुक्तीचा आशीर्वाद देणे

‘१८.९.२०२३ या भाऊबिजेच्या दिवशी प्रतिवर्षीप्रमाणे मी डोळे बंद करून प.पू. गुरुदेवांची (सच्चिदानंद परब्रह्म डॉ. आठवले यांची) मानसपूजा केली. मी त्यांना नैवेद्य दाखवला. त्यानंतर मी प.पू. गुरुदेवांना नमस्कार केला. तेव्हा प.पू. गुरुदेवांनी ‘तुम्हाला काय हवे ते मागा’, असे सांगितले. त्या वेळी माझ्यात आणि प.पू. गुरुदेव यांच्यात पुढील संभाषण झाले.

सद्गुरु कुवेलकरआजी : मला काही नको. तुम्ही मला सर्वकाही दिले आहे.

प.पू. गुरुदेव : तरीही मला तुम्हाला काहीतरी द्यायचेच आहे.

सद्गुरु कुवेलकरआजी : तुम्हाला मला जे द्यायचे आहे, ते तुम्ही देऊ शकता.

प.पू. गुरुदेव : मी तुम्हाला ‘सायुज्य मुक्ती’ देतो.

गुरुदेवांनी मला सायुज्य मुक्तीचा आशीर्वाद दिला.’

(‘एकदा ज्ञानप्राप्तकर्त्या कु. मधुरा भोसले, श्री. निषाद देशमुख आणि श्री. राम होनप यांना सद्गुरु कुवेलकरआजींचे सूक्ष्म परीक्षण करायला सांगण्यात आले होते. तेव्हा कु. मधुरा भोसले यांनी ३०.६.२०२२ या दिवशी केलेल्या सूक्ष्म परीक्षणामध्ये ‘सद्गुरु कुवेलकरआजींची सायुज्य मुक्तीकडे वाटचाल चालू झाली आहे’, असे सांगितले होते. हे लिखाण २७.९.२०२२ या दिवशी दैनिक ‘सनातन प्रभात’मध्ये प्रसिद्ध झाले होते.’ – संकलक)

– (सद्गुरु) श्रीमती प्रेमा कुवेलकर, कवळे, फोंडा, गोवा. (१८.९.२०२३)