ऐन नवरात्रोत्सवात सांडपाणी आणि अन्य दूषित पाणी पंचगंगेत 

कोल्हापूर – कोल्हापूर शहरासाठी ज्यातून नागरिकांना पाणीपुरवठा केला जातो, त्या पंचगंगेत ऐन नवरात्रोत्सवात शहरातील विविध नाल्यांमधील पाणी थेट नदीत मिसळत आहे. या संदर्भात ‘प्रजासत्ताक’ या सामाजिक संस्थेचे दिलीप देसाई आणि त्यांचे सहकारी यांनी पहाणी करून हा प्रकार उघडकीस आणला. या संदर्भात ते म्हणाले, ‘‘केवळ नालेच नाही, तर मानवी विष्ठा, तसेच रसायनेही पाण्यात मिसळत आहेत. या संदर्भात कोल्हापूर महापालिका प्रशासन, जिल्हा परिषद, प्रदूषण मंडळ काहीही करत नाही. त्यांचे अधिकारी काहीही करत नाहीत. त्यामुळे या संदर्भात उत्तरदायी असलेल्या अधिकार्‍यांनी तात्काळ त्यागपत्र द्यावे.’’