पुणे येथील भीमाशंकर मंदिर परिसरात भ्रमणभाषच्या वापरावर बंदी !

मंदिराचे पावित्र्य राखण्यासाठी घेतला निर्णय

पुणे – श्री क्षेत्र भीमाशंकर येथे सध्या भाविकांची मोठ्या प्रमाणात गर्दी होत आहे. श्रावण मासात सुरक्षिततेच्या दृष्टीने गाभारा, मुख्य मंडप आणि मंदिर परिसर येथेे गर्दी होऊन भाविकांची असुविधा होऊ नये, दर्शन सुलभतेने व्हावे, तसेच कुठलीही अनुचित घटना घडू नये अन् मंदिराचे पावित्र्य राखले जावे यांसाठी भ्रमणभाषच्या वापरावर बंदी घालण्यात आली आहे. यासमवेत छायाचित्रे काढणे किंवा चित्रफित काढण्यावरही बंदी घातली आहे. ‘भाविकांनी मुख्य मंडप आणि मंदिर परिसरात छायाचित्रे काढू नयेत, तसेच भ्रमणभाष बंद ठेवून सहकार्य करावे’, असे आवाहन मंदिर संस्थानच्या वतीने करण्यात आले आहे. (हा निर्णय केवळ श्रावण मासापुरता मर्यादित न ठेवता कायमस्वरूपी करावा, अशीच भक्तांची अपेक्षा आहे ! – संपादक)

पुणे!

बारा ज्योर्तिलिंगांपैकी पुणे जिल्ह्यातील एक असलेल्या श्री क्षेत्र भीमाशंकर येथे सध्या भाविकांची मोठी गर्दी होत आहे. अधिक श्रावण महिना सुरू असल्यामुळे ही गर्दी होत आहे. त्यानंतर सुरू होणाऱ्या श्रावणात ही गर्दी आणखी वाढण्याची शक्यता आहे. त्यामुळे मंदिर परिसरात मोबाइल वापराला…

— पवन/Pawan 🇮🇳 (@ThePawanUpdates) August 8, 2023