मुंबई, २१ जुलै (वार्ता.) – विधानसभेत २१ जुलै या दिवशी तंबाखूजन्य पदार्थ आणि गुटखा यांच्या विक्रेत्यांवर कारवाई करण्याविषयी वादळी चर्चा झाली. भाजपचे आमदार आशिष शेलार यांनी तंबाखूजन्य पदार्थ आणि गुटखा यांची वाहतूक करणार्यांवर कारवाई करण्याची मागणी केली, तर भाजपचेच आणखी एक आमदार अतुल भातखळकर यांनीही अशा विक्रेत्यांवर कठोर कारवाई करण्याची मागणी केली. एकीकडे विधीमंडळाच्या सभागृहात अशा विक्रेत्यांवर कारवाई करण्याची मागणी होत असतांना दुसरीकडे मात्र विधीमंडळात येणार्यांकडे तंबाखूजन्य पदार्थ आणि तंबाखूच्या पुड्या सापडल्या. यातून राज्यात तंबाखूजन्य पदार्थांवरील बंदीच्या कारवाईची वस्तूस्थिती समोर आली आहे.
गुटखा, पान मसाला यांसारख्या पदार्थांच्या अवैध वाहतुकीसंदर्भात सरकार काय कारवाई करणार असा प्रश्न आज सभागृहात विचारला.
या प्रश्नावर अवैध वाहतुकीवर कायदेशीर तरतुदीनुसार कारवाई करण्यात येत असल्याचे उत्तर सरकारतर्फे देण्यात आले. #Mumbai #MaharashtraAssembly #BJP #GutkhaBan pic.twitter.com/0U2hkkwzk8— Adv. Ashish Shelar – ॲड. आशिष शेलार (@ShelarAshish) July 21, 2023
विधीमंडळाच्या पावसाळी अधिवेशनासाठी येणारे विविध राजकीय पक्षांचे नेते आणि कार्यकर्ते यांच्याकडे तंबाखूजन्य पदार्थ अन् गुटखा यांची पाकिटे आढळत आहेत. विधीमंडळाच्या आवारात येणार्यांची प्रवेशद्वारावर पडताळणी केली जाते. त्या वेळी काही जणांच्या खिशात या पुड्या सापडतात. तंबाखूजन्य पदार्थ आणि गुटखा यांच्या पुड्या काढून घेण्यात येत असल्याने काही जण बॅगेत किंवा पिशवीत लपवून विधीमंडळामध्ये तंबाखूजन्य पदार्थ नेत असल्याचे आढळून आले आहे.
संपादकीय भूमिकातंबाखूजन्य पदार्थावरील बंदीचा कायदा ज्या विधीमंडळात होतो, तेथेच तंबाखूजन्य पदार्थ सापडतात, याला काय म्हणायचे ? याकडे सरकारने लक्ष देणे अपेक्षित ! |
बनावट उत्पन्न दाखल्यांवर मिळालेले ‘आर्.टी.ई.’ प्रवेश रहित करा ! – माजी आमदार नरेंद्र पवार यांची मागणी
देहू येथील श्री संत तुकाराम महाराज संस्थानच्या वतीने वारीत अपघाती मृत्यू झाल्यास १ लाख रुपयांचे साहाय्य !
राज्यात मतदार सूचींच्या विशेष सखोल पुनरावलोकनाचा सुधारित कार्यक्रम घोषित !
शासनाच्या परीक्षा ऑनलाईन घेण्याविषयी मुख्य सचिवांच्या अध्यक्षतेखाली समितीची स्थापना !
आरोग्य, पाणीपुरवठा आणि प्राथमिक शिक्षण समिती सभापती, तसेच उप-सभापती निवड !
विद्यार्थ्यांचे प्रलंबित प्रश्न मार्गी लावण्यासाठी अ.भा.वि.प. शिष्टमंडळाकडून विविध मंत्र्यांच्या भेटी ! – अथर्व कुलकर्णी, अ.भा.वि.प.