उज्जैन (मध्यप्रदेश) येथे भगवान महाकालच्या पालखी यात्रेमध्ये सहभागी झालेल्यांवर छतावरून थुंकणार्‍या ३ मुलांना अटक !

उज्जैन (मध्यप्रदेश) – येथे हिंदूंच्या धार्मिक यात्रेच्या वेळी छतावरून थुंकण्याची घटना घडली आहे. या प्रकरणी ३ जणांना अटक करण्यात आली. हे तिघेही अल्पवयीन असल्याने त्यांची ओळख उघड करण्यात आलेली नाही. या प्रकरणी हिंदुत्वनिष्ठ संघटनांनी पोलिसांकडे दोषींवर कारवाई करण्यासह ते ज्या घरात रहात आहेत, त्या घराची कागदपत्रे तपासण्याची मागणी केली आहे.

3 🅱️ullas were spitting on Mahakal Yatra from their balcony in Ujjain..

All three got arrested by Ujjain Police.. pic.twitter.com/kPeSa5FVA5

— The Right Wing Guy (@rightwing_guy) July 18, 2023

१७ जुलै या दिवशी येथील खार कुआ भागात भगवान महाकाल यांची पालखी निघाली होती. त्यात सहस्रो भाविक सहभागी झाले होते. सायंकाळी टाकी चौकाजवळ लोक घरांच्या छतावर उभे राहून पालखी पहात असतांना एक मुलगा पालखीत सहभागी झालेल्यांवर थुंकत असल्याचे दिसून आले. लोकांनी या घटनेचे चित्रीकरण केले आणि ते सामाजिक माध्यमांतून प्रसारित केले. त्यानंतर हिंदुत्वनिष्ठ संघटनांनी पोलीस ठाण्यात जाऊन कारवाईची मागणी केली.