लांजा (जिल्हा रत्नागिरी) येथे धर्मांधाने ठेवले टिपू सुलतानचे उदात्तीकरण करणारे ‘स्टेटस’

धर्मांधावर कारवाई करण्याची विविध संघटनांची पोलिसांकडे मागणी

(‘स्टेटस’ म्हणजे इतरांना पहाता येण्यासाठी स्वतःच्या भ्रमणभाषवर ठेवलेले चित्र किंवा लिखाण)

(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून हिंदु विरोधकांनी केलेले विडंबन कळावे, या उद्देशाने हे प्रसिद्ध केले आहे. – संपादक)

लांजा, ८ जून (वार्ता.) – शिवराज्याभिषेकदिनी अहिल्यानगर (नगर) आणि कोल्हापूर या शहरांत क्रूरकर्मा औरंगजेब अन् टिपू सुलतान या हिंदुद्वेष्ट्या आक्रमकांच्या उदात्तीकरणाच्या घटना ताज्या असतांनाच रत्नागिरी जिल्ह्यातील लांजा शहरातही एका धर्मांधाने ‘इन्स्टाग्राम’वर क्रूरकर्मा टिपू सुलतानचे स्टेटस ठेवून त्याचे उदात्तीकरण केल्याचे समोर आले आहे. एमाननुरी अहमद वकील उजीज उपाख्य मौलू असे या धर्मांधाचे नाव आहे. त्याचा शहरात होत असलेल्या गांजाविक्रीच्या प्रकरणातही हात आहे. एमाननुरी याच्या या कृत्यामुळे शहरातील हिंदू संतप्त झाले. त्यामुळे येथील विविध संघटनांचे प्रतिनिधी, विविध पक्षांचे कार्यकर्ते आणि शिवप्रेमी यांनी पोलीस ठाण्यात जाऊन पोलीस निरीक्षक अट्टुगडे यांची भेट घेत त्यांच्याकडे ‘धर्माध आरोपीवर कठोर कारवाई करावी’, अशी मागणी एका निवेदनाद्वारे केली.

पोलिसांना दिलेल्या निवेदनात म्हटले आहे की, सध्या कोल्हापूर येथे चालू असलेल्या प्रकरणाचा विचार करता अशा प्रकारे उदात्तीकरण केल्याने कायदा आणि सुव्यवस्था बिघडण्याची शक्यता आहे. अशा उदात्तीकरणामुळे समाजामध्ये अशांतता निर्माण होत आहे. एमाननुरी अहमद वकील उजीज याच्यावर योग्य ती कायदेशीर कारवाई करावी.