कोल्‍हापूर, २२ फेब्रुवारी (वार्ता.) – कोल्‍हापूर शहरात सरस्‍वती चित्रमंदिराशेजारी असलेल्‍या स्‍वातंत्र्यवीर सावरकर यांच्‍या नामफलकाची दुरवस्‍था झाली आहे, तसेच हा फलक अतिक्रमणाच्‍या गर्तेत सापडला आहे. बिनखांबी गणेशमंदिर ते मिरजकर तिकटी या मार्गावर बसवण्‍यात आलेला दुसरा फलकच गायब करण्‍यात आला आहे. याविषयी सावरकरप्रेमींमध्‍ये तीव्र संताप असून महापालिका प्रशासनाने दुर्लक्ष केल्‍यामुळे हा प्रकार होत असल्‍याची प्रतिक्रिया व्‍यक्‍त केली जात आहे.
१. या संदर्भात भाजपचे संघटक आणि हिंदु युवा प्रतिष्‍ठानचे अध्‍यक्ष श्री. अशोक देसाई म्‍हणाले, ‘‘वर्ष १९८७ मध्‍ये मी हिंदु एकता आंदोलनाचा शहराध्‍यक्ष होतो. त्‍या वेळी आम्‍ही सर्व कट्टर स्‍वावरकरप्रेमींनी एकत्र येऊन महापालिकेचा पाठपुरावा करून पहिला फलक सरस्‍वती चित्रमंदिराशेजारी बसवला होता, तर दुसरा बिनखांबी गणेशमंदिर येथे बसवला होता. सरस्‍वती चित्रमंदिर येथील जागा स्‍वातंत्र्यवीर स्‍मारकासाठीही प्रस्‍तावित आहे; मात्र हा परिसर सध्‍या अतिक्रमणाच्‍या विळख्‍यात आहे. २६ फेब्रुवारीला असलेल्‍या स्‍वातंत्र्यवीर सावरकर आत्‍मार्पणदिनाच्‍या अगोदर महापालिकेचे फलक दुरुस्‍त न केल्‍यास आम्‍हाला आंदोलन करावे लागेल.’’
२. स्‍वातंत्र्यवीर सावरकर साहित्‍य आणि विज्ञान मंडळाचे सदस्‍य श्री. मालोजी केरकर म्‍हणाले, ‘‘या संदर्भात गेले काही दिवस आम्‍ही मागणी करूनही महापालिका प्रशासन कोणतीच कृती करतांना दिसत नाही. स्‍वातंत्र्यासाठी कारागृहवास पत्‍करणार्‍या स्‍वातंत्र्यवीरांच्‍या फलकाची दुरवस्‍था महापालिका प्रशासन कधी दूर करणार ?’’
संपादकीय भूमिकादायित्वशून्य महापालिका प्रशासन ! |
शासकीय कारभाराचे ‘मराठी’करण करण्यासाठी झटणारे आणि तिला ज्ञानभाषा करण्‍यात योगदान देणारे मराठी भाषा संचालनालय !
गोमातेला ‘राज्यमाता’ घोषित केल्याने गोहत्या थांबतील ?
भारत देश विश्वगुरुपदी विराजमान व्हावा, हाच ध्यास ! – अभिजित शिंदे, राष्ट्रीय स्वयंसेवक संघ
दीपावलीच्या निमित्ताने हलाल उत्पादनांवर बहिष्कार घालण्याचा निर्धार करा ! – सद्गुरु स्वाती खाडये, सनातन संस्था
थोडक्यात महत्त्वाचे : मुंबईतील आगीत तिघांचा मृत्यू !…वादातून युवकाची हत्या
पुणे जिल्हा आणि पुणे विभागात मिळून १० लाख रुपयांचा भेसळयुक्त माल जप्त