उज्जैनमध्ये महंमद पैगंबर यांच्यावर निबंध लिहिण्याची स्पर्धा हिंदूंच्या विरोधानंतर स्थगित !

उज्जैन (मध्यप्रदेश) – येथील ‘पैगाम ए इंसानियत’ सोसायटीकडून निबंध स्पर्धा आयोजित करण्यात आली आहे. यात सहभागी स्पर्धकांना महमंद पैगंबर यांच्यावर निबंध लिहिण्यास सांगण्यात आले आहे; मात्र यात सहभागी झालेले स्पर्धक मुसलमानेतर म्हणजे हिंदूही आहेत. स्पर्धकांनी नावे नोंदवल्यावर त्यांना पैगंबरांवियी एक पुस्तक दिले जात होते.  त्यामुळे हिंदु संघटनांनी या स्पर्धेला विरोध करण्यास प्रारंभ केला. ‘अशा प्रकारे निबंध स्पर्धेचे आयोजन करणे, हा हिंदूंच्या धर्मांतराचा प्रयत्न आहे’, असा आरोप हिंदु संघटनांनी केला आहे. त्यांनी राज्याचे गृहमंत्री नरोत्तम मिश्रा यांच्याकडे तक्रार केली आहे. गृहमंत्र्यांनी याची नोंद घेऊन प्रकरणाची चौकशी करण्याचा आदेश पोलीस अधीक्षकांना दिला आहे. या स्पर्धेला विरोध होऊ लागल्यानंतर आयोजकांनी ही स्पर्धा स्थगित केली आहे.

Ujjain News: गैर-मुस्लिमों के लिए उज्जैन में हजरत साहब पर निबंध प्रतियोगिता, बवाल के बाद करनी पड़ी स्थगितhttps://t.co/DfKPkWPadP

— Amar Ujala (@AmarUjalaNews) December 13, 2022

१. बजरंग दलाचे स्थानिक नेते पिंटू कौशल यांनी सांगितले की, या स्पर्धेमध्ये अधिकाधिक लोकांनी सहभागी होण्यासाठी २१ सहस्र ५०० रुपये रोख पुरस्कार देण्यात येणार आहे. तसेच सर्व सहभागी स्पर्धकांना प्रोत्साहनपर पुरस्कारही देण्यात येणार आहे. (हिंदूंच्या संघटना आणि संस्था हिंदूंसाठी हिंदूंच्या देवतांविषयी अशा प्रकारची निबंध स्पर्धा का आयोजित करत नाहीत ? – संपादक)

२. आयोजक सय्यद नासीर यांनी सांगितले की, प्रत्येक जात आणि धर्म असणार्‍याला महंमद पैगंबर यांची माहिती होण्याच्या उद्देशाने ही स्पर्धा आयोजित करण्यात आली होती; मात्र यावर आक्षेप घेण्यात आल्याने ती स्थगितत करण्यात आली आहे. (ज्याला पैगंबर यांच्याविषयी माहिती घ्यायची असेल, तो स्वतंत्रपणे घेईल. त्यासाठी अशा स्पर्धेची काय आवश्यकता ?  -संपादक)