(म्हणे) ‘श्री गणेशमूर्ती विसर्जन ओढे, नदी, तलाव आणि धरण येथे न करता हौदात करा !’

पुणे जिल्हा परिषदेचे शास्त्रविरोधी आवाहन

पुणे – यंदा गणेशोत्सव मोठ्या उत्साहात साजरा केला जाणार आहे. या काळात घरातील आणि सार्वजनिक ठिकाणचे निर्माल्य रस्त्यावर उघड्यावर न टाकता निर्माल्य कुंडीत टाकावे, तसेच श्री गणेशमूर्तींचे विसर्जन ओढे, नदी, तलाव आणि धरण यांत न करता यासाठी तात्पुरते विसर्जन हौद सिद्ध करणे आणि त्यातच मूर्तीचे विसर्जन करावे. याविषयी जनजागृती करून गाव पातळीवर विविध उपक्रमांचे आयोजन करण्यात यावे, असे आवाहन पुणे जिल्हा परिषदेने केले आहे.