चैत्र शुक्ल पक्ष नवमी, म्हणजेच रामनवमी (२१.४.२०२१) या दिवशी सौ. सायली सिद्धेश करंदीकर यांचा वाढदिवस आहे. त्यानिमित्त त्यांचे यजमान श्री. सिद्धेश करंदीकर यांना जाणवलेली त्यांची गुणवैशिष्ट्ये पुढे दिली आहेत.
सौ. सायली करंदीकर यांना वाढदिवसानिमित्त सनातन परिवाराच्या वतीने हार्दिक शुभेच्छा !
१. मधुर आवाज आणि संगीताची आवड
‘सौ. सायलीला लहानपणापासून गायनाची फार आवड आहे. तिला रिकामा वेळ मिळाला की, ती गाण्याचा सराव करते. काही दिवसांपूर्वी तिने संत जनाबाईंचा एक अभंग फार अप्रतिम गायला होता. तेव्हा बर्‍याच साधकांनी तिचे कौतुक केले. प्रत्यक्षात सायलीने लौकिकदृष्ट्या संगीताचे कुठलेही शिक्षण घेतलेे नाही, तरीही ती गाण्यातील आकार फार सुंदर घेते. याविषयी तिच्या आई श्रीचित्शक्ति (सौ.) अंजली गाडगीळ म्हणाल्या, ‘‘तिने संगीताचे शिक्षण घेतले नाही; परंतु ती लहानपणापासून आश्रमात राहून सेवा आणि साधना करत आहे. त्यामुळेच तिच्या आवाजात गोडवा निर्माण झाला आहे.’’
२. शीघ्र कवयित्री
सायली अन्नपूर्णाकक्षात सेवा करते. तिथे कुणाचा वाढदिवस असेल, तर सायली त्यांच्यावर कविता करते. काही वेळा कविता करण्यासाठी तिला फार थोडा वेळ मिळतो. काही वेळा केवळ १० – १५ मिनिटेच तिच्या हातात असतात; परंतु त्या अत्यल्प वेळेतही ती त्या साधकाला उद्देशून सुंदर कविता करते. एकदा तर अन्नपूर्णाकक्षात एक साधक नवीन आला होता. त्या साधकाला तिने पाहिलेही नव्हते. केवळ अन्नपूर्णाकक्षातील एका साधिकेने त्या साधकाचे गुण सायलीला सांगितले आणि त्यानुसार तिने त्याच्यावर कविता केली, तरी ती कविताही सुंदर झाली होती.
३. सेवेची तळमळ
ती प्रतिदिन सकाळी लवकर आश्रमात सेवेसाठी जाते. कधी कधी तिला सेवेहून घरी परत यायला रात्री उशीरही होतो, तरीही ती शांतपणे आणि मनापासून सेवा करते.
४. सूक्ष्मातील जाणण्याची क्षमता
अ. सद्गुरु डॉ. मुकुल गाडगीळ (सायलीचे वडील) यांच्याकडे साधकांची छायाचित्रे किंवा वस्तू यांचे परीक्षण करण्याची सेवा असते. सद्गुरु गाडगीळकाका ‘सायलीचाही अभ्यास व्हावा’, यासाठी काही वेळा तिच्याकडून सूक्ष्म परीक्षण करवून घेतात. तेव्हा बर्‍याच वेळा तिचे उत्तर आणि सद्गुरु गाडगीळकाकांचे उत्तर एकच असते.
आ. आध्यात्मिक त्रास होत असतांना साधक सद्गुरु गाडगीळकाकांना नामजप विचारतात. तेव्हा सद्गुरु गाडगीळकाका तिच्याकडूनही त्याचे प्रयोग करवून घेतात. तेव्हाही सद्गुरु गाडगीळकाकांनी शोधलेला नामजप आणि तिने शोधलेला नामजप एकच असतो.
५. गुरूंना अपेक्षित असे करण्याचा प्रयत्न करणे
सायलीचा आवाज चांगला असल्याने अनेक साधक ‘तू सेवेसाठी संगीत सेवेत का जात नाहीस ?’, असे तिला विचारतात. त्यावर तिने त्यांना फार सुंदर उत्तर दिले. तिने त्यांना सांगितले, ‘‘मला संगीताची आवड आहे आणि माझा आवाजही चांगला आहे. हे जरी खरे असले, तरी ‘माझ्या आध्यात्मिक उन्नतीसाठी मी कुठली सेवा करणे अपेक्षित आहे ?’, हे श्री गुरुच जाणतात. त्यामुळे मी अन्नपूर्णाकक्षात सेवा करते. तिथेही मी आनंदी आणि समाधानी आहे.’’
तिच्या या उत्तरातून ‘श्री गुरु साधकाला साधनेच्या आरंभीच्या टप्प्याला त्याची आवड किंवा कौशल्य यांविषयी सेवा देऊन त्याला साधनेत स्थिर करतात. नंतर साधनेच्या पुढच्या टप्प्याला साधकाची आवड किंवा कौशल्य यांपेक्षा ‘त्याची आध्यात्मिक उन्नती होण्यासाठी त्याने कुठली सेवा करणे योग्य आहे ?’, तीच सेवा श्री गुरु त्याला देतात’, असे माझ्या लक्षात आले.
६. भाव
६ अ. आश्रमात श्रीरामयाग चालू असल्याचे पाहून सायली यांची भावजागृती होणे आणि त्यांनी साधकांनाही त्याविषयी सांगून भाव ठेवून सेवा करण्यास सांगितल्यावर त्यांचाही भाव जागृत होणे : सायली अन्नपूर्णाकक्षात पोळ्या करण्याची सेवा करते. एकदा ती सकाळी आश्रमात सेवेसाठी येत असतांना आश्रमात श्रीरामयाग चालू होता. ते वातावरण पाहून तिची पुष्कळ भावजागृती झाली. तिने सेवेला आरंभ करतांना तिच्या सहसाधकांना सांगितले, ‘‘आज आश्रमात श्रीरामयाग चालू आहे; म्हणून आपण पोळ्या करतांना ‘रामराज्य अगदी समीप आले असून आपण त्याच्या स्वागतासाठी हा स्वयंपाक करत आहोत’, असा भाव ठेवूया.’’ तिने असे सांगितल्यावर तिच्या सहसाधकांचाही भाव जागृत झाला आणि तेही त्या आनंदाने सेवा करू लागले.
६ आ. संत असलेल्या आजी-आजोबांची सेवा भावपूर्ण करणे : ३ मासांपूर्वी सायली तिच्या आजी-आजोबांकडे (पू. (सौ.) परांजपेआजी आणि पू. परांजपेआजोबा यांच्याकडे) गेली होती. ती आजी-आजोबांना साहाय्य करण्यासाठी जवळपास २ मास त्यांच्याकडे राहिली होती. तेव्हा तिने आजीआजोबांकडे केवळ आजीआजोबा म्हणून पाहिले नाही. ‘आपले आजी-आजोबा संत आहेत. मी त्यांची भावपूर्ण सेवा केली, तरच त्यांचे मन जिंकू शकेन’, असे तिला वाटत होते. त्यामुळे तिने आजी-आजोबांची सेवा पुष्कळ भावपूर्ण केली. तिच्या या सेवेचे तिच्या पू. आजीआजोबांनीही पुष्कळ कौतुक केले.’
– श्री. सिद्धेश करंदीकर, सनातन आश्रम, रामनाथी, गोवा. (९.४.२०२१)
|
होमिओपॅथी वैद्या सुश्री (कु.) आरती तिवारी यांना त्यांचे वडील पू. सत्यनारायण तिवारी यांची सेवा करतांना जाणवलेली सूत्रे आणि आलेल्या अनुभूती
स्वतःच्या मनाच्या स्थितीच्या संदर्भात साधिकेला जाणवलेली सूत्रे
कलाकारांनो, कला ईश्वरप्राप्तीसाठी असल्याने कला शास्त्रशुद्ध, सात्त्विक पद्धतीने आणि भावपूर्णपणे सादर करून ईश्वराचे आशीर्वाद मिळवा !’
श्रीसत्शक्ति (सौ.) बिंदा नीलेश सिंगबाळ यांनी साधकांना केलेले मार्गदर्शन !
देवतेचे चित्र आणि श्री गुरूंचे छायािचत्र यांच्यामध्ये आध्यात्मिक दृष्टीकोनातून असलेला भेद !
साधनेची तीव्र तळमळ आणि सच्चिदानंद परब्रह्म डॉ. आठवले यांच्याप्रती अपार भाव असणारे नांदेड (महाराष्ट्र) येथील ६३ टक्के आध्यात्मिक पातळीचे श्री. शांताराम बेदरकर (वय ४३ वर्षे) !