मला अपेक्षा आहे की, अफगाणिस्तानमध्ये तालिबान इस्लामी नियमांच्या आधारावर चांगल्या पद्धतीने शासन करील आणि त्याच्याकडून मानवाधिकारांचा सन्मान राखला जाईल, असे मत जम्मू-काश्मीरचे माजी मुख्यमंत्री फारूक अब्दुल्ला यांनी व्यक्त केले.

‘कॉलेज ऑफ डिफेन्स मॅनेजमेंट’कडून करण्यात आलेल्या एका अभ्यासातून श्रीमद्भगवद्गीता आणि कौटिल्य अर्थशास्त्र यांसारख्या प्राचीन ग्रंथांचा सैन्य प्रशिक्षणामध्ये समावेश करण्याची शिफारस करण्यात आली आहे; मात्र काँग्रेसने याला विरोध केला आहे.

फुटीरतावादी हुरियत कॉन्फरन्सचे नेते सय्यद अली शाह गिलानी त्यांचा मृतदेह जम्मू-काश्मीर पोलिसांनी दफन करण्यापूर्वी तो त्यांच्या कुटुंबियांनी पाकिस्तानी राष्ट्रध्वजात गुंडाळला होता. त्यामुळे त्यांच्यावर गुन्हे नोंदवण्यात आले आहेत.

झारखंडमधील झारखंड मुक्ती मोर्चाच्या सरकारकडून विधानसभेमध्ये नमाजपठण करण्यासाठी स्वतंत्र खोली आरक्षित करण्यात आली आहे.

गाय ही भारतीय संस्कृतीतील अविभाज्य घटक आहे. त्यामुळे गायीला ‘राष्ट्रीय प्राणी’ म्हणून घोषित केले पाहिजे. जेव्हा गायीचे कल्याण होईल, तेव्हा देशाचे कल्याण होईल, असे मत अलाहाबाद उच्च न्यायालयाने मांडले आहे.

भोपाळ (मध्यप्रदेश) येथील काँग्रेसच्या कार्यालयाबाहेर लावण्यात आलेल्या फलकावर काँग्रेसचे नेते आणि माजी मुख्यमंत्री कमलनाथ यांना श्रीकृष्ण, तर भाजपचे नेते अन् राज्याचे मुख्यमंत्री शिवराजसिंह चौहान यांना कंसाच्या रूपात दाखवण्यात आले.