छत्रपती शिवरायांचा आदर्श असतांनाही हिंदूंवर अत्याचार होणे ही शोकांतिका ! – धनंजय गद्रेगुरुजी, प्रसिद्ध कीर्तनकार

पाली (रायगड) – हिंदू असंघटित असल्याने त्यांच्यावर अत्याचार होत आहेत. संख्याबळ न्यून असतांनाही बलाढ्य शत्रूंना पराभूत करून हिंदवी स्वराज्य स्थापन करणार्‍या छत्रपती शिवाजी महाराज यांचा आदर्श आपल्यासमोर आहे; पण तरीही हिंदूंवर अत्याचाराची वेळ येणे, ही शोकांतिका आहे.

हिंदूंनी केवळ सण किंवा महापुरुषांची जयंती साजरी करण्यासाठी एकत्र न येता हिंदूंवरील अत्याचारांच्या विरोधात कृतीच्या स्तरावर संघटित विरोध करायला हवा, असे उद्गार प्रसिद्ध कीर्तनकार श्री. धनंजय गद्रेगुरुजी यांनी काढले.

“A tragedy that Hindus are persecuted despite the ideal of Chhatrapati Shivaji Maharaj” – Dhananjay Gadre Guruji

📍 Hindu Rashtra Jagruti Andolan at Pali

🕉️ Voices raised against atrocities on Hindus in Bangladesh

Key Demands ⬇️

🔍 Probe all crimes, incl. Dipu Chandra Das… pic.twitter.com/DkRbAH3ss0

— Sanatan Prabhat (@SanatanPrabhat) January 7, 2026

बांगलादेशातील हिंदूंवर होणारे अत्याचार रोखण्यासाठी येथे हिंदु जनजागृती समितीच्या वतीने आंदोलन करण्यात आले.

या वेळी हिंदु जनजागृती समितीसह श्री शिवप्रतिष्ठान हिंदुस्थान, राष्ट्रीय स्वयंसेवक संघ, विश्व हिंदु परिषद, शिवसेना, ब्राह्मण सेवा संघ, मराठा समाज सुधागड पाली, राष्ट्रीय वारकरी परिषद, बजरंग दल आणि हिंदु रक्षक सेना या संघटना सहभागी झाल्या होत्या.

पालीचे नगराध्यक्ष श्री. पराग मेहता, प्रसिद्ध कीर्तनकार श्री. धनंजय गद्रेगुरुजी, शिवसेनेचे श्री. राजेंद्र राऊत, धर्मरक्षक हिंदु सेनेचे श्री. तुषार मोरे, धारकरी श्री. रोहित वाळज आणि श्री. सौरभ जांभेकर उपस्थित होते. काही मान्यवरांनी आंदोलनात संबोधन केले.

हिंदु जनजागृती समितीचे श्री. सुनील कदम यांनी बांगलादेशामध्ये अल्पसंख्यांक हिंदु समाजावर होत असलेल्या अत्याचारांचे क्रूर वास्तव उपस्थितांसमोर मांडले.

शिवसेनेचे श्री. राजेंद्र राऊत म्हणाले,

‘‘हिंदु जनजागृती समितीने सर्व संघटनांना आंदोलनाच्या माध्यमातून संघटित केले. यापुढेही आम्ही हिंदूंच्या रक्षणासाठी एकत्र येऊन कार्य करू.’’

धर्मरक्षक हिंदु सेनेचे श्री. तुषार मोरे म्हणाले, ‘‘बांगलादेशी हिंदूंवर होणार्‍या आघातांना रोखण्यासाठी सरकारने कठोर पावले उचलावीत, अन्यथा हिंदु समाज तीव्र आंदोलन करील.’’

‘बांगलादेशातील हिंदूंच्या रक्षणासाठी छत्रपती शिवाजी महाराजांचे शौर्य आणि छत्रपती संभाजी महाराजांचा त्याग डोळ्यांसमोर ठेवून हिंदूंचे रक्षण करण्याची आवश्यकता आहे’,

असे विधान श्री शिवप्रतिष्ठान हिंदुस्थानचे धारकरी श्री. रोहित वाळज आणि सौरभ जांभेकर यांनी केले.

सुधागडच्या तहसीलदारांना निवेदन ! बांगलादेशातील हिंदूंवरील अत्याचार रोखण्याविषयीचे निवेदन सुधागडचे तहसीलदार उत्तम कुंभार यांना हिंदुत्वनिष्ठांनी दिले. ‘बांगलादेशातील हिंदूंच्या संरक्षणासाठी सरकारने शक्य ती पावले उचलावीत’, असे निवेदनात म्हटले आहे.

बांगलादेशातील हिंदूंवरील हिंसाचार विषयीचे सविस्तर वृत्त वाचा :

• Bangladesh Hindu Killings : बांगलादेशात २४ घंट्यात २ हिंदूंची हत्या https://sanatanprabhat.org/marathi/994919.html