खासगी ॲपद्वारे घराच्या स्वच्छतेसाठी बोलावलेल्या कर्मचारी मुलीने मंगळसूत्र चोरले !

ठाणे, १६ जुलै (वार्ता.) – येथील कोलबाड भागातील रूणवालनगर येथे रहाणार्‍या ५८ वर्षीय अनुजा अजित सावंत यांच्या घरातून सुमारे अडीच तोळ्यांचे, म्हणजेच ३ लाख ५० सहस्र रुपये किमतीचे सोन्याचे मंगळसूत्र चोरीला गेल्याची घटना घडली होती. सावंत यांनी खासगी ॲपद्वारे घराच्या स्वच्छतेसाठी कर्मचार्‍याला बोलावले होते. पोलिसांनी ॲपवरील माहितीद्वारे संबंधित तरुणीचा शोध घेऊन तिला कह्यात घेतले. चौकशीत तिने मंगळसूत्र चोरी केल्याचे मान्य करून ते परत केले. तरुणीचे वय आणि भवितव्य लक्षात घेऊन तक्रारदारांनी तिच्याविरुद्ध गुन्हा नोंदवला नाही. राबोडी पोलिसांनी अवघ्या एका घंट्यात मंगळसूत्र शोधून काढत ते तक्रारदारांच्या स्वाधीन केले.