सिंहस्थ कुंभपर्वासाठी नाशिक येथे तात्पुरते उपजिल्हाधिकारी नेमणार !

नाशिक-त्र्यंबकेश्वर – येथे वर्ष २०२७ मध्ये होणार्‍या सिंहस्थ कुंभपर्वाच्या पार्श्वभूमीवर जिल्हाधिकारी कार्यालयात तात्पुरत्या स्वरूपात उपजिल्हाधिकारी (वर्ग-अ) संवर्गातील एक पद निर्माण करण्यात येणार आहे. महसूल आणि वन विभागाने हा शासन निर्णय दिला आहे.

देश-विदेशातील अतीमहत्त्वाच्या व्यक्ती, मान्यवर आणि विविध शासकीय प्रतिनिधींच्या वाढत्या भेटींचे नियोजन, शिष्टाचार (प्रोटोकॉल) आणि समन्वय प्रभावीपणे करण्याच्या उद्देशाने हा निर्णय घेण्यात आला आहे.