‘हे गुरुराया, ध्‍यानमंदिरात नामजपादी उपाय करत असतांना युगानुयुगे झालेल्‍या अवतारांचे मला दर्शन झाले. या अवतारांच्‍या कार्याची झलक माझ्‍या डोळ्‍यांसमोर आली. ही झलक अनुभवतांना जे शब्‍द स्‍फुरले, ते तुमच्‍या चरणी अर्पण !
हे गुरुराया, प्रत्‍येक युगात तुम्‍ही ।
लुळ्‍या-पांगळ्‍यांचा मेळा गोळा करता ।
क्षमताहीनांना क्षमता देऊन ।
त्‍यांना जगज्‍जेता तुम्‍ही करता ॥ १ ॥
तुमची क्षमता असे अफाट ।
त्‍याचा थांगपत्ता ना कुणाला ।
म्‍हणून युगानयुगे अवतार ।
धारण करून जगज्‍जेता तुम्‍ही होता ॥ २ ॥
सत्‍ययुगात प्रल्‍हादाच्‍या माध्‍यमातून ।
सर्वत्र नारायण भक्‍ती पसरवली ।
हिरण्‍यकश्‍यपूच्‍या वधासाठी ।
नृसिंह अवताराने धर्माची पताका उजळवली ॥ ३ ॥
त्रेतायुगात रावणवधासाठी ।
वानरसेना तुम्‍ही एकवटली ।
वानरसेनेच्‍या साहाय्‍याने ।
देवभूमी लंका तुम्‍ही सोडवली ॥ ४ ॥
द्वापरयुगात बलशाली कौरवांसह ।
अधर्मियांचा नाश तुम्‍ही केला ।
बलशाली कौरवांना हरवण्‍या ।
पांडवांचा मेळा गोळा केला ॥ ५ ॥
कलियुगात निरीश्‍वरवाद्यांनी ।
धर्माला ग्‍लानी आणली ।
लुळ्‍या-पांगळ्‍या साधकांना घेऊन ।
तुम्‍ही धर्माची पताका रोवली ॥ ६ ॥
प्रत्‍येक युगात शत्रू बलशाली ।
असूनही तो परास्‍त झाला ।
लुळ्‍या-पांगळ्‍यांना क्षमता देऊन ।
त्‍यांचा उत्‍साह वाढवला ॥ ७ ॥
देवा (टीप) तुमच्‍यासारखा ।
देवांचा देव नाही या त्रिभुवनात ।
प्रत्‍येक कार्य पूर्णत्‍वास नेऊन ।
करता तुम्‍ही धर्मसंस्‍थापना ॥ ८ ॥
प्रत्‍येक युगात ना ना युक्‍त्‍या ।
अन् माया तुम्‍ही रचता ।
आम्‍हा पामरांना पुढे करूनी ।
स्‍वत: मात्र नामानिराळे रहाता ॥ ९ ॥
देवा किती वर्णावी तुमची थोरवी ।
हे शब्‍द सर्व फिके पडती ।
तुमच्‍या सान्‍निध्‍यात हे मन ।
केवळ तुमचे न् तुमचेच घडे ॥ १० ॥
आस बाळगतो हीच या मनी ।
जीवन व्‍यतीत व्‍हावे गुरुचरणी ।
मनात केवळ ध्‍यास रहावा ।
‘असावे तव चरणी’ केवळ ।
‘असावे तव चरणी’ ॥ ११ ॥
टीप – परात्‍पर गुरु डॉ. आठवले
॥ श्रीविष्‍णुचरणार्पणमस्‍तु ॥
– श्री. अविनाश जाधव (आध्‍यात्मिक पातळी ६२ टक्‍के), सनातन आश्रम, गोवा.
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
कथित सर्वधर्मसमभाव !
मिळतसे मजसी दिव्यानंद । हृदयी वसे गोविंद ॥
कु. सिद्धी गावस हिला झालेले तीव्र आध्‍यात्मिक त्रास आणि त्यातून बाहेर पडण्यासाठी प्रयत्न केल्यावर तिच्यामध्ये झालेले पालट !
भ्रष्टाचार रोखता न येण्याचे एकमेव कारण म्हणजे सरकारचा इच्छेचा अभाव !
‘सच्चिदानंद परब्रह्म डॉ. आठवले यांचे हस्ताक्षर असलेले कागद आणि सनातन संस्थेचे माहितीपत्रक (ब्रोशर्स)’ यांच्याशी संबंधित सेवा करतांना त्यांतील चैतन्यामुळे तेथे एक फुलपाखरु पुष्कळ वेळ बसणे
सच्चिदानंद परब्रह्म डॉ. आठवले यांच्या ८२ व्या जन्मोत्सवानिमित्त करण्यात आलेल्या चंडीयागाच्या वेळी तिन्ही गुरूंचे अवतारत्व अनुभवता येऊन शारीरिक त्रास न्यून होणे