अटलसेतूवरून मुंबई-पुणे मार्गिकेवरील प्रवास संथगतीने !

पनवेल – अटलसेतूवरून मुंबई-पुणे या मार्गिकेवर प्रवास करणार्‍या ५० सहस्र वाहनांना पनवेलमधील कोळखे गाव ते कोन गावापर्यंत संथगतीने प्रवास करावा लागत आहे. ‘मुंबई महानगर प्रदेश विकास प्राधिकरण’ कोळखे ते कोन या राष्‍ट्रीय महामार्ग क्रमांक ४८ वर उन्‍नत मार्ग बांधणार असून यासाठी १ सहस्र कोटी रुपये खर्च करणार आहे. यासाठी ३० महिन्‍यांचा कालावधी लागणार आहे. कंत्राटदाराने काम चालू केलेले नाही. त्‍यामुळे अजून अडीच वर्षे अटलसेतू ते पुणे असा प्रवास करणार्‍या वाहनांना पनवेलमध्‍ये वाहतूककोंडीचा सामना करावा लागेल.