नाशिक येथे लाच मागणार्‍या जिल्हा रुग्णालयातील लिपिकास अटक !

नाशिक – वैद्यकीय उपचाराची देयके पुढील कार्यवाहीसाठी पाठवण्यासाठी २४ सहस्र रुपयांची लाच मागितल्याच्या प्रकरणी जिल्हा शासकीय रुग्णालयातील वरिष्ठ लिपिक राजेश नेहुलकर यांना लाचलुचपत प्रतिबंधक विभागाच्या पथकाने ३ ऑक्टोबर या दिवशी अटक केली आहे. तक्रारदाराने पत्नीच्या आजारपणावरील उपचाराची २ वैद्यकीय देयके संमतीसाठी जिल्हा शासकीय रुग्णालयात सादर केली होती. ही देयके पुढील कार्यवाहीसाठी पाठवण्याच्या मोबदल्यात देयकांच्या एकूण रकमेच्या ५ टक्क्यांप्रमाणे ३० सहस्र रुपयांची लाच वरिष्ठ लिपिक राजेश नेहुलकर यांनी मागितली. तडजोडीअंती २४ सहस्र रुपये द्यायचे ठरले होते.