पाकिस्तानमध्ये ८ वर्षांच्या हिंदु मुलीवर सामूहिक बलात्कार करून डोळे फोडले

इस्लामाबाद (पाकिस्तान) – पाकच्या सिंध प्रांतातील उमरकोट शहरात एका ८ वर्षांच्या हिंदु मुलीवर सामूहिक बलात्कार केल्यानंतर तिचे डोळे फोडण्यात आल्याची घटना घडली आहे. या मुलीवर पाकच्या हैदराबाद येथील सरकारी रुग्णालयात उपचार चालू असून तिची प्रकृती चिंताजनक आहे. एका हिंदु मानवाधिकार कार्यकर्त्याने या मुलीचा एक व्हिडिओ सामाजिक माध्यमांतून प्रसारित केला आहे. यात या मुलीला स्ट्रेचर वरून रुग्णालयात नेतांना दिसत आहे. ही मुलगी भील समाजातील आहे. पोलिसांनी अद्याप एकाही आरोपीला अटक केलेली नाही.