६ जणांना फाशीची, तर ७ जणांना जन्मठेपेची शिक्षा !

पाकमध्ये पैगंबर यांचा कथित अवमान करणार्‍या श्रीलंकेच्या नागरिकाच्या हत्येचे प्रकरण

न्यायालयाने अवघ्या ५ मासांत ८९ जणांना ठरवले दोषी !

इस्लामाबाद (पाकिस्तान) – पाकच्या सियालकोट शहरात ३ डिसेंबर २०२१ या दिवशी महंमद पैगंबर यांचा कथित अवमान केल्यावरून जमावाने श्रीलंकेच्या प्रियंता कुमारा या नागरिकाला जिवंत जाळले होते. या प्रकरणी न्यायालयाने ८९ लोकांना दोषी ठरवले आहे. यांतील ६ जणांना फाशीची, तर ७ जणांना जन्मठेपेची शिक्षा सुनावली आहे. प्रियंता कुमारा हे येथील एका कारखान्यात अधिकारी होते.