पुणे येथे विविध ३५ ठिकाणी निवेदनांच्या माध्यमांतून राष्ट्रध्वजाच्या संहितेविषयी प्रबोधन

हिंदु जनजागृती समितीचे अभियान – राष्ट्रध्वजाचा सन्मान राखा !

पुणे, २८ जानेवारी (वार्ता.) – हिंदु जनजागृती समितीच्या वतीने प्रजासत्ताकदिनानिमित्त ‘राष्ट्रध्वजाचा सन्मान राखा’ अभियान राबवण्यात आले. या पार्श्वभूमीवर २५ आणि २६ जानेवारी या दिवशी या अभियानाच्या अंतर्गत पुणे, तसेच पिंपरी-चिंचवड येथे ठिकठिकाणी राष्ट्रध्वजाच्या संहितेविषयी प्रबोधन करणारी निवेदने देण्यात आली. पुणे आणि पिंपरी-चिंचवड येथे शाळा, प्रशासन यांमध्ये एकूण ३५ निवेदने देण्यात आली. यांसह फलक प्रसिद्धीच्या माध्यमांतून प्रसार करण्यात आला. पिंपरी-चिंचवड येथील वडगाव मावळ येथील नायब तहसीलदार यांना निवेदन देण्यात आले. त्यांसह ३ शाळांमध्येही अशाच प्रकारे निवेदन देण्यात आले. फलक प्रसिद्धीद्वारे पुणे येथे ३७, तर पिंपरी-चिंचवड येथे २४ फलकांच्या माध्यमांतून राष्ट्रध्वजाच्या संहितेविषयी प्रबोधन करण्यात आले.