साधक, वाचक, हितचिंतक आणि संशोधक यांना नम्र विनंती !
सध्या अनेक जण संतांच्या अनुभवसिद्ध ज्ञानापेक्षा वैज्ञानिक उपकरणांच्या माध्यमातून मिळालेल्या माहितीवर अधिक विश्वास ठेवतात. त्यामुळे वर्ष २०१४ पासून परात्पर गुरु डॉ. आठवले यांच्या मार्गदर्शनाखाली ‘महर्षि अध्यात्म विश्वविद्यालया’च्या वतीने आधुनिक वैज्ञानिक परिभाषेत अध्यात्माचे महत्त्व सांगण्यासाठी वैज्ञानिक स्तरावर संशोधनकार्य केले जात आहे. आधुनिक वैज्ञानिक उपकरणे आणि प्रणाली यांच्या साहाय्याने नाविन्यपूर्ण संशोधन करण्यात येत आहे. या संशोधन कार्याची व्याप्ती, वैशिष्ट्ये आणि उपलब्ध सेवा पुढे देत आहोत.
१. संशोधन कार्याची व्याप्ती
यामध्ये हिंदु धर्मातील आचार, यज्ञ, अनुष्ठान, मंत्रपठण आदी धार्मिक कृती; देश-विदेशांतील तीर्थक्षेत्रे, संतांची समाधीस्थाने आणि ऐतिहासिक स्थळे, तसेच वाईट शक्ती आणि त्यांच्या त्रासांवरील उपाय; दैवी शक्ती अन् वाईट शक्ती यांचा दृश्य परिणाम दर्शवणारे संशोधन आणि सात्त्विक संगीत, नृत्य, वाद्यवादन आदी कलांच्या संदर्भात केले जाणारे विविधांगी संशोधन अंतर्भूत आहे.
२. संशोधन कार्याचे वैशिष्ट्य
या संशोधनाला पंचज्ञानेंद्रिये, मन आणि बुद्धी यांच्या पलीकडील ज्ञानाची, म्हणजे सूक्ष्म-परीक्षणाची जोड देऊन विश्लेषण करण्यात येत आहे. त्यामुळे बुद्धीजीवी समाजावर अध्यात्माचे महत्त्व बिंबण्यास साहाय्य होते.
३. अखिल मानवजातीपर्यंत संशोधनकार्य पोचवण्यासाठी मनुष्यबळाची आवश्यकता !
लवकरच महाभीषण आपत्काळाला आरंभ होणार आहे. त्यापूर्वीच अनेक विषयांवर संशोधन करून हे ज्ञानभांडार अखिल मानवजातीपर्यंत पोचवायचे आहे. त्यामुळे गोवा येथील रामनाथी आश्रमात विविध सेवांसाठी मनुष्यबळाची तातडीने आवश्यकता आहे. आपण आपली आवड आणि कौशल्य यांनुसार पुढील एखादी सेवा शिकू शकता. संशोधनाशी संबंधित सेवा करणार्‍यांना विविध सेवांतून अध्यात्मजगताची अभिनव ओळख होईल, तसेच ज्ञानाचा एक निराळा आनंदही अनुभवायला मिळेल.
संशोधन कार्याच्या अंतर्गत पुढील सेवा उपलब्ध आहेत –
४. सेवांचे स्वरूप
४ अ. वैज्ञानिक उपकरणांद्वारे केल्या जाणार्‍या संशोधनाशी संबंधित सेवा
१. ‘यु.ए.एस्. (युनिव्हर्सल ऑरा स्कॅनर)’, ‘पिप’ (पॉलीकॉन्ट्रास्ट इंटरफेरन्स फोटोग्राफी), आणि ‘बायो-वेल जी.डी.व्ही.’ (Bio-well GDV), या वैज्ञानिक उपकरणांद्वारे चाचण्या करणे
२. वैज्ञानिक उपकरणांद्वारे केलेल्या चाचण्यांचे अहवाल (रिपोर्ट) बनवणे, त्या अहवालांचे मुद्रितशोधन करणे (ही सेवा घरी राहूनही करता येईल.)
४ आ. बुद्धीअगम्य घटनांचे विश्लेषण करून त्यांचे लेख सिद्ध करणे आणि त्या संदर्भात अधिक संशोधन करणे
४ इ. शोधनिबंधाच्या संदर्भातील सेवा : ‘महर्षि अध्यात्म विश्वविद्यालया’च्या वतीने भारतातील, तसेच विदेशातील अनेक आंतरराष्ट्रीय परिषदांमध्ये परात्पर गुरु डॉ. आठवले यांच्या आध्यात्मिक संशोधनावर आधारित शोधनिबंध (रिसर्च पेपर) सादर करण्यात येतात. या अंतर्गत शोधनिबंध लिहिणे, त्याचे सादरीकरण करणे आदी सेवा उपलब्ध आहेत.
५. वरील सेवांसाठी आवश्यक कौशल्य
यासाठी वैज्ञानिक संशोधनाची आवड असावी. संगणकावर टंकलेखन करता यावे, मराठी, हिंदी आणि इंग्रजी भाषांचे व्याकरण आणि शब्दरचना यांचे किमान ज्ञान असावे, तसेच वैज्ञानिक उपकरणे हाताळता यावीत.
या सेवा करण्यास इच्छुक असल्यास; परंतु सेवेचे कौशल्य नसल्यास संबंधितांना त्या संदर्भातील प्रशिक्षण देण्यात येईल. वरील सेवा करू इच्छिणार्‍यांनी जिल्हासेवकांच्या माध्यमातून पुढील सारणीनुसार आपली माहिती श्री. आशिष सावंत यांच्या नावे [email protected] या संगणकीय पत्त्यावर अथवा पुढील टपाल पत्त्यावर पाठवावी.
टपालासाठी पत्ता : श्री. आशिष सावंत, ‘भगवतीकृपा अपार्टमेंट्स’, एस्-१, दुसरा मजला, बिल्डिंग ए, ढवळी, फोंडा, गोवा. ४०३४०१
नाविन्यपूर्ण अशा वैज्ञानिक स्तरावरील संशोधन कार्यात सहभागी होऊन अध्यात्मजगताची अभिनव ओळख करून घ्या !(३.१.२०२३)
पैशांची देवाण-घेवाण, आर्थिक किंवा भूमीचे व्यवहार करणे, तसेच विवाह जुळवणे आदी वैयक्तिक गोष्टी आपल्या जबाबदारीवर कराव्यात !
‘मकरसंक्रांतीच्या निमित्ताने सनातनचे ग्रंथ, तसेच उत्पादने वाण म्हणून देणे’, ही चिरंतन आणि सर्वोत्तम भेट असल्याने त्यासाठी जिज्ञासूंना प्रवृत्त करा !
कोणतीही अनोळखी ‘लिंक’ न उघडता ती ‘डिलीट’ करा !
साधकांनो, उपवर वर किंवा वधू यांची निवड करतांना त्यांच्या व्यावहारिक माहितीसह ‘त्यांना साधना करण्याची आवड आहे का ?’, हेही जाणून घ्या ! 
पू. (श्रीमती) शेऊबाई लोखंडेआजी यांनी देहत्याग केल्यानंतरच्या त्यांच्या छायाचित्रांतून उत्तरोत्तर अधिक प्रमाणात चैतन्य प्रक्षेपित होणे
सनातनच्या आश्रमांतील ‘संगणकांची देखभाल आणि दुरुस्ती’ या सेवांसाठी साधक, हितचिंतक आणि धर्मप्रेमी यांच्या सहयोगाची आवश्यकता !