कोरोना महामारीसारख्या कठीण काळात आयपीएल् क्रिकेट स्पर्धेचे आयोजन करणे अर्थहीन ! – ब्रिटनचे पत्रकार पिअर्स मॉर्गन

लंडन (ब्रिटन) – भारतातील कोरोना रुग्णवाढीची भयानक परिस्थिती लक्षात घेता आयपीएल् क्रिकेट स्पर्धा तात्काळ रहित करून देशात कोरोना रोखण्याकडे अधिक लक्ष द्यायला हवे. महामारीच्या काळात देशाचे संपूर्ण लक्ष हे विषाणू रोखण्याकडे असायला हवे. अशा कठीण काळात क्रिकेट स्पर्धा घेणे हे अर्थहीन आहे, अशी टीका ब्रिटनचे सुप्रसिद्ध टीव्ही पत्रकार पिअर्स मॉर्गन यांनी केली आहे. भारतात सध्या आयपीएल् क्रिकेट स्पर्धा चालू आहेत. ९ एप्रिल पासून या स्पर्धेला प्रारंभ झाला आणि ३० मे या दिवशी अंतिम सामना खेळवण्यात येणार आहे. या स्पर्धेचे सामने सध्या देहली, कर्णावती, मुंबई आणि चेन्नई येथे होत आहेत. या पार्श्‍वभूमीवर मॉर्गन यांनी ही टीका केली आहे. आयपीएल् स्पर्धा नियोजित वेळापत्रकानुसारच चालू रहाणार असल्याचे ठाम मत बीसीसीआयचे अध्यक्ष सौरव गांगुली यांनी याआधीच व्यक्त केले आहे.

The Indian Premier League should not continue given the horrific Covid crisis in India due to Prime Minister @narendramodi‘s woefully irresponsible leadership. The country’s sole focus should be on the raging pandemic. Cricket is irrelevant. #IPL

— Piers Morgan (@piersmorgan) April 26, 2021

भारतात सध्या दिवसाला ३ लाखांहून अधिक नवे कोरोना रुग्ण आढळत आहेत. मृत्यूचे प्रमाणही दिवसेंदिवस वाढतांना दिसत आहे. कोरोनाची एवढी मोठी लाट आली असतांनाही देशाचे पंतप्रधान नरेंद्र मोदी कोणतीही उपाययोजना करतांना दिसत नाहीत. पंतप्रधान मोदी यांचे नेतृत्व दायित्वशून्यतेचे आहे, असेही ते म्हणाले.