सनातन प्रभात > Post Type > बातम्या > राष्ट्रीय बातम्या > विकिपीडियाकडून भारताच्या मानचित्रातील ‘अक्साई चीन’ला चीनमध्ये दाखवले !

विकिपीडियाकडून भारताच्या मानचित्रातील ‘अक्साई चीन’ला चीनमध्ये दाखवले !

भारत सरकारकडून मानचित्र हटवण्याचा आदेश

नवी देहली – ‘विकिपीडिया’ या संकेतस्थळावरील भारताच्या मानचित्रामध्ये अक्साई चीनला चीनच्या मानचित्रात दाखवल्याने भारत सरकारने आक्षेप घेत हे मानचित्र हटवण्याचा आदेश दिला आहे. इलेक्ट्रॉनिक्स आणि आयटी मंत्रालयाने आयटी कायद्याचे कलम ६९ अ अंतर्गत हा आदेश दिला आहे. भारत-भूतान संबंधावरील विकिपीडियाच्या पानावर जम्मू-काश्मीरचे मानचित्र चुकीच्या पद्धतीने दाखवण्यात आले आहे.

एका ट्विटर वापरकर्त्याने या चुकीकडे लक्ष वेधत सरकारला कारवाई करण्याची विनंती केली. (हे अन्य कुणाला का सांगावे लागते ? शासकीय यंत्रणांचे याकडे लक्ष कसे नाही ? – संपादक) विकिपीडियाने ऐकले नाही, तर भारत सरकार कायदेशीर कारवाई करू शकते, असे सूत्रांनी सांगितले. यापूर्वी ट्विटरने लडाखचा भाग चीनचा असल्याचे दर्शवल्यावर सरकारने कारवाई करण्याची चेतावणी दिल्यावर ट्विटरने क्षमा मागितली होती.

नूतन लेख