एकदा मला स्वप्नात रामनाथी आश्रम दिसला. आश्रमातील वरच्या माळ्यावरील मोकळ्या जागेत श्री भवानीदेवीची पूजा चालू होती. देवीसमोर धूप, दीप आणि उदबत्ती लावून सर्व जण देवीला प्रार्थना करत होते. त्यानंतर अकस्मात् सर्व शांत झाले आणि त्या ठिकाणी ‘केवळ देवी अन् मी आहोत’, असे मला दिसले.

एका जिज्ञासूने मला विचारले, ‘‘तुम्ही गावात सर्वत्र रामाच्या नामपट्ट्या का लावत आहात ?’’ मी गुरुदेवांना मनात प्रार्थना करून विचारले, लगेचच देवाने मनात विचार दिला, ‘हिंदु राष्ट्र आणि रामराज्य लवकर यावे अन् या कार्यासाठी सर्वांना बळ मिळावे; म्हणून रामाच्या नामपट्ट्या लावत आहोत.’