डॉ. सुरेश भोसले यांना ‘सातारा भूषण’ पुरस्कार घोषित !

सातारा, ५ फेब्रुवारी (वार्ता.) – येथील रा.ना. गोडबोले (सार्वजनिक) ट्रस्ट आणि सातारा जिल्ह्यातील नागरिकांच्या वतीने प्रतिवर्षी ‘सातारा भूषण’ पुरस्कार देण्यात येतो. वर्ष २०२४ चा ३४ वा‘ सातारा भूषण’ पुरस्कार कराड येथील डॉ. सुरेश भोसले यांना देण्यात येणार आहे. कला, क्रीडा, सामाजिक, आध्यात्मिक, औद्योगिक, व्यावसायिक क्षेत्रांत काम करणार्‍या आणि आपल्या उत्तुंग यशाने सातारा जिल्ह्याचे नाव उज्ज्वल करणार्‍या व्यक्ती आणि संस्था यांना हा पुरस्कार वर्ष १९९१ पासून दिला जात आहे.

आतापर्यंत तर्कतीर्थ लक्ष्मण शास्त्री जोशी, छोटा गंधर्व, सयाजी शिंदे, राजमाता श्रीमंत छत्रपती सुमित्राराजे भोसले, ह.भ.प. बाबा महाराज सातारकर, यमुनाबाई वाईकर, फारूक कुपर, डॉ. नरेंद्र दाभोलकर, प्रताप गंगावणे, डॉ. प्रमोद चौधरी, डॉ. रणजीत जगताप यांना ‘सातारा भूषण’ पुरस्काराने सन्मानित करण्यात आले आहे.