सनातन प्रभात > Post Type > बातम्या > आंतरराष्ट्रीय बातम्या > Attack On Pakistan Police : पाकिस्‍तान : दरोडेखोरांनी केलेल्‍या रॉकेटच्‍या आक्रमणात ११ पोलीस ठार !

Attack On Pakistan Police : पाकिस्‍तान : दरोडेखोरांनी केलेल्‍या रॉकेटच्‍या आक्रमणात ११ पोलीस ठार !

काही पोलिसांना ठेवले ओलीस !

इस्‍लामाबाद (पाकिस्‍तान) – पाकच्‍या पंजाब प्रांतात असलेल्‍या रहीम यार खान जिल्‍ह्यात २१ ऑगस्‍टच्‍या रात्री दरोडेखोरांनी पोलिसांच्‍या पथकावर रॉकेटने आक्रमण केले. यामध्‍ये ११ पोलीस जागीच ठार झाले, तर अनेक जण घायाळ झाले. काही पोलिसांना ओलीसही ठेवण्‍यात आले आहे. त्‍यामुळे मृतांचा आकडा वाढण्‍याची शक्‍यताही वर्तवण्‍यात येत आहे. पंजाब पोलिसांच्‍या प्रवक्‍त्‍याने या आक्रमणाची माहिती दिली आहे.

ही घटना ‘माचा पॉइंट’ या भागात घडली. येथे पोलिसांची दोन वाहने चिखलात अडकली. तोपर्यंत तेथे काही दरोडेखोर आले आणि त्‍यांनी पोलिसांवर रॉकेटने आक्रमण केले. पंजाबच्‍या मुख्‍यमंत्री मरियम नवाझ यांनी या आक्रमणाची गंभीर नोंद घेतली आहे. तसेच पोलीस महानिरीक्षक डॉ. उस्‍मान अन्‍वर यांनी घटनास्‍थळी पोचून दरोडेखोरांनी ओलीस ठेवलेल्‍या पोलिसांची सुटका करण्‍यासाठी मोहीम हाती घेतली आहे.

संपादकीय भूमिका

आर्थिक कंबरडे मोडलेल्‍या पाकिस्‍तानातील दरोडेखोर रॉकटने पोलिसांवर आक्रमण करतात, यावरून तेथील सुरक्षाव्‍यवस्‍थेचे तीनतेरा वाजले आहेत, हे लक्षात येते !

नूतन लेख