पुणे – ‘मल्टीलेव्हल मार्केटिंग’ योजनेच्या माध्यमातून गुंतवणूकदारांची १२५ कोटी रुपयांची फसवणूक करणार्या विनोद खुटे याच्यावर कारवाई झाली असून अंमलबजावणी संचालनालयाने त्याची ३८ कोटी ५० लाख रुपयांची मालमत्ता जप्त केली आहे. यासह ‘ईडी’ने पुणे, मुंबई आणि कर्णावती येथे धाडी टाकून बँकेतील २३ कोटी रुपयांची रक्कमही गोठवली आहे. खुटे याने ‘काना कॅपिटल’च्या ब्रोकरेजमध्ये विविध गुंतवणूकदारांकडून १२५ कोटी रुपयांचा निधी गोळा केल्याचा आरोप अन्वेषण यंत्रणेने केला आहे. विनोद खुटे फसवणूक करून दुबईला पसार झाल्याची माहिती समोर आली आहे. खुटे याच्या आस्थापनाने मोठ्या प्रमाणावर बेकायदेशीर व्यवहार केले आहेत, तसेच हवालाद्वारेही त्याने परदेशात पैसे पाठवले. खुटे याने ‘धनश्री मल्टीस्टेट को-ऑपरेटिव्ह क्रेडिट सोसायटी’ स्थापन करून गुंतवणूकदारांना चांगल्या व्याजाचे आमीष दाखवून त्यांची फसवणूक केली. पुणे येथील भारती विद्यापीठ पोलीस ठाण्यात त्याच्यावर गुन्हा नोंद केला आहे.
सनातन प्रभात > Location > आशिया > भारत > महाराष्ट्र > पुणे येथील आस्थापनावर अंमलबजावणी संचालनालयाने कारवाई करून कोट्यवधींची मालमत्ता शासनाधीन केली !
पुणे येथील आस्थापनावर अंमलबजावणी संचालनालयाने कारवाई करून कोट्यवधींची मालमत्ता शासनाधीन केली !
नूतन लेख
- १ दिवसाच्या बाळाच्या हत्येप्रकरणी वडिलांना आजन्म कारावास !
- कळंबा कारागृहात ‘भ्रमणभाष’ आढळल्याच्या प्रकरणी २ अधिकारी आणि ९ कर्मचारी सेवेतून बडतर्फ !
- अहिल्यानगर येथील दुय्यम कारागृहात बंदीवानांना विशेष सुविधा मिळत असल्याची माहिती !
- पुणे शहरात तापमानाने उच्चांक गाठल्याने नागरिक हैराण; हवामानशास्त्र विभागाकडून ‘यलो अलर्ट’ !
- मुंबईत मद्यालयाच्या येथेच मद्यपी ढोसतात मद्य, ‘येथे मद्य पिण्यास मनाई आहे’ आदेशाचा केवळ सोपस्कार !
- सिंधुदुर्ग : सावंतवाडीत प.पू. भाऊ मसुरकर यांच्या जन्मशताब्दी सोहळ्याची सांगता