पुणे येथे ‘श्री गणेशमूर्ती विसर्जनाच्या गर्दीत नृत्य करण्यासाठी मुले-मुली पाहिजेत’, अशा आशयाचे विज्ञापन प्रसिद्ध !

भोसरी (जिल्हा पुणे) – येथील वर्तमानपत्रांत जिथे नोकरी संदर्भातील विज्ञापने असतात, त्याच रकान्यात ‘भोसरी परिसरात श्री गणेशमूर्ती विसर्जनाच्या गर्दीत नृत्य करण्यासाठी मुले-मुली पाहिजेत’, अशा आशयाचे विज्ञापन प्रसारित झाले आहे.

गणपती डान्स करणाऱ्यांना रोजगाराची संधी, विसर्जनात नाचा 300 रुपये कमवाhttps://t.co/8iRaEDf8zZ

— ZEE २४ तास (@zee24taasnews) September 26, 2023

या विज्ञापनाच्या माध्यमातून श्री गणेशमूर्ती विसर्जनाच्या गर्दीत नृत्य करणार्‍यांना संधी दिली जाणार आहे. हे विज्ञापन प्रसिद्ध करणार्‍याचे नाव लिहण्यात आलेले नाही; मात्र ठिकाण भोसरी असे लिहले आहे. या विज्ञापनात संपर्क साधण्यासाठी भ्रमणभाष क्रमांकही देण्यात आला आहे. विज्ञापनाच्या कात्रणाचे छायाचित्र सामाजिक माध्यमावर प्रसारित होत आहे.

‘श्री गणेशमूर्ती विसर्जनाच्या गर्दीमध्ये नृत्य करण्यासाठी फक्त १ दिवस म्हणजे २७ सप्टेंबर या दिवशी १०० मुले-मुली पाहिजेत. वय १८ ते ३० वर्षे, वेळ संध्या ५ ते रात्री १०, स्थळ – भोसरी, वेतन ३०० रुपये’, असा मजकूर या विज्ञापनात दिला आहे.