पुणे – येथील कोंढवा परिसरातील ‘टीम्‍स तकवा इस्‍लामिक मतलब अँड स्‍कूल’ ही शाळा अनधिकृतरित्‍या चालवली जात असल्‍याची तक्रार शिक्षण विभागाकडे प्राप्‍त झाली होती. या शाळेच्‍या संस्‍थाचालकांनी शिक्षण उपसंचालक यांची अनुमती न घेता, जिल्‍हा परिषदेचे शिक्षणाधिकारी यांची मान्‍यता न घेता शाळेत पहिली ते आठवीपर्यंतचे वर्ग चालू केले होते. या प्रकरणी पुणे महापालिकेच्‍या शिक्षण विभागातील प्रशासकीय अधिकारी शंकर रामचंद्र मांडवे यांनी कोंढवा पोलिसात तक्रार दिली. यावरून शाळेचे संस्‍थाचालक उस्‍मान आत्तार, सचिव फिरोज खान यांच्‍यासह मुख्‍याध्‍यापक आणि इतरांवर पोलिसांनी गुन्‍हा नोंद केला आहे.
ऑगस्‍ट २०२२ पासून चालू असलेल्‍या शाळेत एकूण १५८ विद्यार्थ्‍यांना प्रवेश देण्‍यात आले होते. या शाळेला मान्‍यता नसल्‍यामुळे ‘यू-डायस’ क्रमांक नव्‍हता. शाळेचा समावेश शासनाच्‍या ‘सरल पोर्टल’वर नसल्‍यामुळे विद्यार्थ्‍यांना ‘सरल आयडी’ नव्‍हता. त्‍यामुळे या शाळेत शिक्षण घेतलेल्‍या विद्यार्थ्‍यांना दुसर्‍या शाळेत प्रवेश मिळण्‍यास अडचण निर्माण होत होती, तसेच विद्यार्थ्‍यांना शाळेकडून दिलेले शाळा सोडल्‍याचे दाखले आणि इतर दाखले वैध अन् नियमानुसार नव्‍हते. याविषयीची तक्रार प्राप्‍त होताच शिक्षण विभागाच्‍या अधिकार्‍यांनी धाड घालून हे प्रकरण उघड केले.
संपादकीय भूमिका
|
मुख्यमंत्री केजरीवाल यांना केवळ सत्तेची भूक ! – देहली उच्च न्यायालय
बिहार येथून कोल्हापूर येथे जाणार्या ३२ अल्पवयीन मुलांना मिरज रेल्वे पोलिसांनी कह्यात घेतले !
पुणे येथील प्रतिष्ठित महाविद्यालयांनी अनेक वर्षे लेखापरीक्षण केलेच नाही !
गडचिरोली जिल्ह्यात रानटी हत्तीचा धुमाकूळ !
मावळ (पुणे) लोकसभा मतदारसंघात आचारसंहिता भंगाच्या ६८ तक्रारी प्राप्‍त !
सोलापूर येथे १ मे या दिवशी नवीन न्यायालयाच्या इमारतीचा पायाभरणी कार्यक्रम !